اسلام آباد۔ 24 فروری(اے پی پی) وفاقی وزیر توانائی سردار اویس احمد خان لغاری ترکمانستان دے سفیر عطا جان مولاموف نال ملاقات کیتی ۔ ترجمان پاور ڈویژن موجب وزارتِ توانائی (پاور ڈویژن) وچ ملاقات دے دوران وفاقی وزیر ترکمانستان دے سفیر دا پرتپاک خیرمقدم کیتا تے ماہِ رمضان دی بابرکت آمد دے موقع تے دلی نیک تمناواں دا اظہار کریندے ݙوہیں ملکاں دے عوام کیتے امن، برکت تے خوشحالی دی …
وفاقی وزیر توانائی سردار اویس احمد خان لغاری دی ترکمانستان دے سفیر نال ملاقات
اسلام آباد۔ 24 فروری(اے پی پی) وفاقی وزیر توانائی سردار اویس احمد خان لغاری ترکمانستان دے سفیر عطا جان مولاموف نال ملاقات کیتی ۔ ترجمان پاور ڈویژن موجب وزارتِ توانائی (پاور ڈویژن) وچ ملاقات دے دوران وفاقی وزیر ترکمانستان دے سفیر دا پرتپاک خیرمقدم کیتا تے ماہِ رمضان دی بابرکت آمد دے موقع تے دلی نیک تمناواں دا اظہار کریندے ݙوہیں ملکاں دے عوام کیتے امن، برکت تے خوشحالی دی دعا کیتی ۔ ترکمانستان دے سفیر پاکستان تے ترکمانستان دے وچال موجود تاریخی تے ثقافتی رابطے کوں اجاگر کریندے آکھیا جو اے مشترکہ رشتے ݙوطرفہ تعاون دے ودھارے کیتے مضبوط بنیاد ݙیندن ۔ ملاقات وچ پاکستان تے وسطی ایشیائی ملکاں وچال علاقائی رابطے کوں مزید مستحکم بݨاوݨ تے خصوصی توجہ ݙتی ڳئی۔ فریقین توانائی دے مضبوط بنیادی ڈھانچے تے سرحد پار منصوبیں دی تزویراتی اہمیت تے تفصیلی ڳالھ مہاڑ کیتی جیڑھے علاقائی معاشی انضمام، توانائی دے تحفظ، متعلقہ معلومات دے تبادلے تے پائیدار ترقی دے ودھارے وچ اہم کردار ادا کر سگدن ۔ ڈوہیں طرفوں ایں عزم دا اعادہ کیتا ڳئے جو توانائی دے شعبے وچ تعاون کوں اڳوں ودھاوݨ تے وسیع تر علاقائی انضمام دے ودھارے کیتے نیڑے رابطہ تے مشترکہ کوششاں جاری رکھیاں ویسن تاں جو پاکستان، ترکمانستان تے پورے خطے کوں سانجھے فیدے مل سڳن۔
