وزیراعلیٰ مریم نواز دی زیرِ صدارت خصوصی اجلاس

لاہور۔ 24 فروری (اے پی پی) پنجاب دی تاریخ وچ پہلی وار رمضان المبارک وچ کھاوݨ پیوݨ دے چیزاں دے نرخاں وچ 50 فیصد توں ودھ کمی ریکارڈ کیتی ڳئی اے۔ وزیراعلیٰ مریم نواز دی زیرِصدارت خصوصی اجلاس منعقد تھئے۔ اجلاس وچ پورے صوبے وچ پھل، سبزی، اٹا، چکن تے ٻیاں کھاوݨ پیوݨ دیاں چیزاں دا واری واری جائزہ ڳھدا ڳئے۔ وزیراعلیٰ کھاوݨ پیوݨ دیاں چیزاں دے نرخاں اچ گھٹکی تے پوری ٹیم کوں شاباش ݙتی تے عوام توں اپیل کیتی اے جو جیں شاپ تے ریٹ لسٹ نہ ہووے، اتھاں خریداری نہ کرن ۔ انھاں لاہور وچ سبزیاں، پھلاں تے ٻیاں چیزاں دی سپلائی مزید ودھاوݨ دا حکم ݙتا۔ وزیراعلیٰ کوں رمضان نگہبان بازاراں، دسترخوان، اوپن مارکیٹ تے ٻئے امور تے تفصیلی بریفنگ ݙتی ڳئی ۔ بریفنگ وچ ݙسایا ڳئے جو وسل دا نرخ 2022 دے بعد گھٹ ترین سطح تے آڳئے، ادرک، تھوم ، نبوں تے ٻئے دے نرخ وچ وی کمی ریکارڈ کیتی ڳئی ۔ گزریل سال دی نسبت ساریاں کھاوݨ پیوݨ دیاں چیزاں دے نرخ اچ کمی دا واضح رجحان جاری اے اے۔ 49 رمضان نگہبان بازاراں وچ پنج ݙینھ وچ سوا 35 لکھ توں زیادہ بندے خریداری کیتے آئن۔رمضان نگہبان بازاراں وچ 21 لکھ ٹن کھاوݨ پیوݨ دیاں چیزاں دی وکامت ریکارڈ کیت ڳئی اے ۔ 5 ݙینھ وچ عوام کوں رمضان نگہبان بازاراں وچ تقریباً 3 کروڑ روپے دی بچت تھئی اے۔ بریفنگ وچ مزید ݙسایا ڳیا جو مری وچ پہلی واری راولپنڈی ڈی سی ریٹ توں وی گھٹ تے پھل، سبزیاں، اٹا تے چکن دستیاب ہن ۔ رمضان بازاراں وچ سینئر سٹیزن کیمپ قائم کر ݙتے ڳئن، تقریباً 10 ہزار بزرگ شہریاں خریداری کیتی اے۔ رمضان نگہبان بازاراں وچ چیزاں دے نرخ دی مانیٹرنگ دا فول پروف انتظام کیتا ڳئے ۔ رمضان المبارک وچ 10 کلو اٹا بیگ دا اوپن مارکیٹ نرخ 905 روپے تے 20 کلو اٹا بیگ دا نرخ 1810 روپے وچ ویچا ویندا پئے۔ صوبے وچ فلور ملاں ولوں 1549 سیل پوائنٹ قائم کیتے ڳئن۔ سیل پوائنٹس تے 850 دے رعایتی نرخ تے اٹا دے 10 کلو بیگ دی فروخت جاری اے۔ صوبے وچ 421 نگہبان رمضان دسترخوان تے 4 لکھ 62 ہزار روزہ داراں افطاری کیتی اے۔ نگہبان رمضان دسترخوان تے افطاری وچ چکن پُلا، سموسہ، پکوڑا، فروٹ، پاݨی تے پنڈوں نال تواضع کیتی ڳئی اے۔ بریفنگ وچ ݙسایا ڳیا نگہبان رمضان دسترخوان دے کھاݨے دی تیاری کیتے پکوان سینٹر دی مانیٹرنگ وی کیتی ویندی پئی اے۔ سحر و افطار دے دوران فوڈ اتھارٹی 9440 جہیں تے چیکنگ کیتی اے جݙاں جو 29 ہزار کلو غیر معیاری کھاݨا تلف کیتا ڳئے ۔ صوبے وچ پرائس کنٹرول مجسٹریٹس، پیرا تے ٻئی ٹیماں ترائے لکھ 38 ہزارجھیں تے چیکنگ کیتی اے۔ ریٹ لسٹ نہ لاوݨ تے تے 1965 دکانداراں، اوور چارجنگ تے 24600 دکانداراں کوں پوݨے چار کروڑ جرمانہ لاتا ڳئے، 313 دے خلاف ایف آئی آر درج تھئی اے جݙاں جو2870 گرفتار کیتے ڳئن۔