اسلام آباد۔ 24 فروری(اے پی پی) سپیکر قومی اسمبلی سردار ایاز صادق کوہاٹ اچ پولیس موبائل تے فتنہ الخوارج دے دہشت گرداں دے حملے دی مذمت کیتی اے۔ اپݨے بیان اچ انھاں ڈی ایس پی لاچی اتے ٻئے پولیس اہلکاراں دی شہادت تے ارمان کریندے سوگوار ٹٻراں کوں پرچاوݨی ݙتی اے۔ سپیکر سردار ایاز صادق شہید ڈی ایس پی لاچی، انسپکٹر انارگل خان، گن مین، ریڈر اتے ڈرائیور کوں خراجِ …
سپیکر قومی اسمبلی دی کوہاٹ اچ پولیس موبائل تے حملے دی مذمت
اسلام آباد۔ 24 فروری(اے پی پی) سپیکر قومی اسمبلی سردار ایاز صادق کوہاٹ اچ پولیس موبائل تے فتنہ الخوارج دے دہشت گرداں دے حملے دی مذمت کیتی اے۔ اپݨے بیان اچ انھاں ڈی ایس پی لاچی اتے ٻئے پولیس اہلکاراں دی شہادت تے ارمان کریندے سوگوار ٹٻراں کوں پرچاوݨی ݙتی اے۔ سپیکر سردار ایاز صادق شہید ڈی ایس پی لاچی، انسپکٹر انارگل خان، گن مین، ریڈر اتے ڈرائیور کوں خراجِ عقیدت پیش کیتے۔ انہاں آکھیا جو پولیس وین تے حملہ بزدلانہ اتے قابلِ مذمت اے، دہشت گرد قوم دے حوصلے پست نئیں کر سڳدے، پوری قوم اپݨی سکیورٹی فورسز اتے پولیس دے نال کھڑی اے، شہید اہلکاراں دی قربانی ضائع نہ ویسی، امن دے دشمناں کوں کیفرِ کردار تئیں پچایا ویسی۔ سردار ایاز صادق زخمیاں دی تکھے صحتیابی کیتے وی دعا کیتی۔
