اسلام آباد۔ 24 فروری(اے پی پی) پاکستان اتے تاجکستان باقاعدہ مکالمے اتے تکنیکی سطح تے رابطیاں تے زور ݙیندے اتفاق کیتے جو مسلسل تعاون ادارہ جاتی روابط ودھاوݨ سودھا ݙوہیں ملکاں وچال طویل المدتی توانائی منصوبہ بندی اتے ترقی اچ ہتھ ونݙیسی۔ انہاں اتفاق وفاقی وزیر توانائی سردار اویس احمد خان لغاری تاجکستان دے وزیر برائے توانائی و آبی وسائل دالر جمعہ نال ورچوئل اجلاس اچ الیندے کیتے۔ اجلاس اچ …
وفاقی وزیر توانائی سردار اویس احمد خان لغاری دا تاجکستان دے وزیر توانائی و آبی وسائل نال ورچوئل اجلاس
اسلام آباد۔ 24 فروری(اے پی پی) پاکستان اتے تاجکستان باقاعدہ مکالمے اتے تکنیکی سطح تے رابطیاں تے زور ݙیندے اتفاق کیتے جو مسلسل تعاون ادارہ جاتی روابط ودھاوݨ سودھا ݙوہیں ملکاں وچال طویل المدتی توانائی منصوبہ بندی اتے ترقی اچ ہتھ ونݙیسی۔ انہاں اتفاق وفاقی وزیر توانائی سردار اویس احمد خان لغاری تاجکستان دے وزیر برائے توانائی و آبی وسائل دالر جمعہ نال ورچوئل اجلاس اچ الیندے کیتے۔ اجلاس اچ توانائی دے شعبے اچ ݙوطرفہ تعاون ٻیا تکڑا کرݨ تے ڳالھ مہاڑ تھئی۔ فریقین باہمی دلچسپی دے معاملیاں تے الایا اتے بجلی و توانائی دے منصوبیاں اچ کٹھے کم کرݨ کوں ودھاوݨ دے امکانات تے غور کیتے۔ انہاں علاقائی پاور کنیکٹیویٹی، جاری مشترکہ منصوبیاں، ترقی اتے پائیدار توانائی دے نویں موقعے ڳولݨ تے زور ݙتے۔ ایں سانڳے کاسا-1000 بجلی ترسیلی منصوبے اچ ترقی اتے سرحد پار بجلی دے تبادلے ودھاوݨ تے توجہ ݙتی گئی۔ فریقین مشترکہ اہداف دے حصول کیتے متعلقہ فورمز دے ذریعے تعاون جاری رکھݨ تے اتفاق کیتے۔ اے اجلاس پاکستان اتے تاجکستان وچال توانائی دے شعبے اچ ݙوطرفہ تعلقات ٻئے ڳھاٹے کرݨ اتے مشترکہ ترقی دے عزم دی عکاسی کریندے۔
