وفاقی وزیرِ داخلہ محسن نقوی دی اطالوی ہم منصب میٹیو پینٹے ڈوسی نال ملاقات، اٹلی دا پاکستانیاں کیتے 10500 ورک ویزیاں دا اعلان، ڈپلومیٹک پاسپورٹ تے ویزہ استثنیٰ دی منظوری

روم۔ 25 فروری (اے پی پی) وفاقی وزیرِ داخلہ محسن نقوی تے انھاں دے اطالوی ہم منصب میٹیو پینٹے ڈوسی وچال روم اچ اہم ملاقات تھئی جیندے اچ ݙوپاسہ سکیورٹی تعاون تے قانونی ہجرت دے فروغ تے وݙے فیصلے کیتے ڳئے ۔ ملاقات دے دوران اطالوی وزیرِ داخلہ اعلان کیتے جو قانونی مائیگریشن کوں ودھاوݨ کیتے پاکستان دی سکلڈ میڈیا ورک فورس کیتے 10,500 ورک ویزے جاری کیتے ویسن ۔ وزیرِ داخلہ محسن نقوی دے دیرینہ مطالبے تے اٹلی پاکستانی ڈپلومیٹک پاسپورٹ ہولڈرز کوں ویزہ توں استثنیٰ ڈیوݨ دی وی باقاعدہ منظوری ݙے ݙتی ۔ محسن نقوی اٹلی کوں غیر قانونی امیگریشن روکݨ کیتے پاکستان دے سخت اقدامات تے ایئرپورٹس تے سمندری حدود اچ کڑی نگرانی توں آگاہ کیتا جینکوں اطالوی حکام سراہیا ۔ ملاقات اچ پنجاب پولیس دے افسراں “پولیس خدمت مراکز گلوبل” دی افادیت تے بریفنگ ݙتی جینکوں بے حد پسند کیتا ڳیا ۔ ایں موقع تے پاکستانی سفیر علی جاوید، ڈی جی ایف آئی اے ڈاکٹر عثمان انور تے ٻئے اعلیٰ حکام وی موجود ہن۔