روم۔ 25 فروری (اے پی پی) وفاقی وزیرِ داخلہ محسن نقوی دی روم اچ یونان دے وزیرِ مائیگریشن تے اسائلم اتھاناسیس پلیورس نال ملاقات تھئی اے جیندے اچ انسانی سمگلنگ دے خلاف زیرو ٹالرنس پالیسی تے اتفاق کیتا ڳیا ۔ ملاقات دی سب توں اہم پیش رفت پاکستان تے یونان وچال ݙو سالیں توں التواء دا شکار مائیگریشن تعاون معاہدے تے اتفاق ہئی ۔ ݙوہیں ملکاں آپسی سانجھ کیتے ہک …
وفاقی وزیرِ داخلہ محسن نقوی دی یونان دے وزیرِ مائیگریشن تے اسائلم اتھاناسیس پلیورس نال ملاقات، پاکستان تے یونان وچال 2 سال توں زیرِ التواء مائیگریشن معاہدہ طے، جوائنٹ ورکنگ گروپ بݨاوݨ دا فیصلہ
روم۔ 25 فروری (اے پی پی) وفاقی وزیرِ داخلہ محسن نقوی دی روم اچ یونان دے وزیرِ مائیگریشن تے اسائلم اتھاناسیس پلیورس نال ملاقات تھئی اے جیندے اچ انسانی سمگلنگ دے خلاف زیرو ٹالرنس پالیسی تے اتفاق کیتا ڳیا ۔ ملاقات دی سب توں اہم پیش رفت پاکستان تے یونان وچال ݙو سالیں توں التواء دا شکار مائیگریشن تعاون معاہدے تے اتفاق ہئی ۔ ݙوہیں ملکاں آپسی سانجھ کیتے ہک “جوائنٹ ورکنگ گروپ” بݨاوݨ دا فیصلہ کیتا جیہڑا قانونی ہجرت تے ورک ویزیاں دی تعداد اچ ودھارے تے کم کریسی ۔ وزیرِ داخلہ محسن نقوی آکھیا جو غیر قانونی امیگریشن دی روک تھام کیتے قانونی رستیاں کوں سوکھا بݨاوݨ ویلھے دی لوڑھ اے۔ انھاں پولیس تے پیرا ملٹری فورسز دی استعداد کار ودھاوݨ کیتے یونان دے ٹیکنالوجی تعاون دا خیرمقدم کیتے ۔ یونانی وزیر پاکستان دے انسدادِ انسانی سمگلنگ اقدامات دی تعریف کیتی اتے “پولیس خدمت مراکز گلوبل” دے ماڈل کوں وی سراہیا ۔ وفد اچ ڈی جی ایف آئی اے، ایم ڈی سیف سٹی احسن یونس تے ٻئے سینئر پولیس افسران وی شامل ہن۔
