وفاقی وزیرِ داخلہ دا خیبرپختونخوا اتے بلوچستان اچ دہشتگرداں دے خلاف وݙیاں کارروائیاں تے سکیورٹی فورسز کوں خراجِ تحسین

اسلام آباد۔ 25 فروری(اے پی پی) وفاقی وزیرِ داخلہ محسن نقوی خیبرپختونخوا اتے بلوچستان اچ سکیورٹی فورسز دے کامیاب آپریشنز دی تعریف کیتی اے جیندے اچ “فتنہ الخوارج” دے 34 دہشت گرداں کوں جہنم واصل کیتا ڳئے۔ وزیرِ داخلہ اپݨے بیان اچ سکیورٹی فورسز دی پیشہ ورانہ مہارت کوں سراہندے آکھیے جو فورسز ویلھے سر کارروائی کر تے خوارجیاں دے ناپاک عزائم کوں مٹی اچ ملا ݙتے۔ انہاں آکھیا جو 34 دہشت گرداں کوں عبرتناک انجام تئیں پچاوݨ ہک وݙی کامیابی اے، پوری قوم دہشت گردی دے خلاف ایں جنگ اچ اپݨی افواج اتے سکیورٹی فورسز دے نال کھڑی اے۔ انھاں اعادہ کیتے جو ملک اچ امن و امان سانڳے فورسز دیاں قربانیاں قابل تحسین ہین۔