افغانستان دی سرزمین توں پاکستان دے خلاف جاری دہشت گردی ہݨ کوئی لکی چھپی ڳالھ نئی رہی ، ڈاکٹر طارق فضل چوہدری

اسلام آباد۔ 26 فروری (اے پی پی) وفاقی وزیرِ پارلیمانی امور ڈاکٹر طارق فضل چوہدری آکھیا جو افغانستان دی سرزمین توں پاکستان دے خلاف جاری دہشت گردی ہݨ کوئی لکی چھپی گالھ نئی رہی ، کرک اچ فرنٹیئر کانسٹیبلری دے قافلے تے بزدلانہ حملہ، شکردرہ (کوہاٹ) اچ ڈی ایس پی اسد محمود سودھے اہلکاراں دی شہادت تے بھکر اچ خودکش دھماکہ اے سارے واقعات ایں گالھ دا ثبوت ہن اے جو ریاستِ پاکستان کوں ہک منظم سازش دے تحت نشانہ بݨایا ویندا پئے۔ خمیس کوں سماجی رابطے دی ویب سائٹ “ایکس” تے آپݨے ہک بیان اچ انھاں آکھیا اے جو رمضان المبارک جیہے مقدس مہینے اچ معصوم جاناں دا خون وہاوݨ ایں گالھ دی دلیل اے جو انھاں دہشت گرداں دا نہ اسلام نال کوئی تعلق اے اتے نہ ای پختون روایات نال اے، اساݙی سکیورٹی فورسز تے قانون نافذ کرݨ آلے ادارے قوم دی مکمل تائید نال دہشت گردی دے ناسور کوں جڑ توں پٹݨ کیتے پرعزم ہن ، اڄ ویلھے دا تقاضا اے جو اساں سیاسی اختلافات توں اتے تھی تے دشمن دے ناپاک ارادیاں دا مقابلہ کروں۔