عام شہریاں دے قتل کوں کݙاہیں جائز قرار نیں ݙتا ونڄ سڳدا، وفاقی وزیر ڈاکٹر طارق فضل چوہدری دا بھارتی وزیراعظم دے بیان تے ردِعمل

اسلام آباد۔ 26 فروری (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو عام شہریاں دے قتل کوں کݙاہیں جائز قرار نی ݙتا ونڄ سڳدے۔ غزہ وچ بندے ٻہوں زیادہ شہریاں دے مصائب دا شکار ہن تے انھاں دی غیر متزلزل صف بندی دے حوالے نال نریندر مودی دے ریمارکس کھوکھلے ہن ۔ اسرائیلی پارلیمنٹ کنیسٹ توں خطاب توں پہلے بھارتی وزیراعظم نریندر مودی دے ریمارکس تے سماجی رابطے دی ویب سائٹ “ایکس” تے اپݨے ہک بیان وچ انھاں آکھیے جو غزہ دے ایں پار، پورے محلے کھنڈر بݨ چکن، خوراک دی کمی خطرناک سطح تئیں پڄ چکی اے، طبی سہولتاں ٻہوں اوکھیں کم کریندیاں پئن ، تے واری واری تھیوݨ آلی کشیدگی امن دیاں امیداں کوں بھن ݙتے۔ انسانی حقوق تے شہری تحفظ دے اصول چݨئے ہوئے نعرے نی تھی سڳدے، سیاست توں ہٹ تے انھاں دا ہکو جیہا اطلاق تھیوݨا چاہیدے۔انھاں آکھیے جو عالمی قیادت اخلاقی پختگی دا تقاضا کریندی اے۔ جݙاں معاشی یا تزویراتی مفادات انسانی درد توں اتے تھی ویندن، تاں ساکھ تے سوالیہ نشان لڳ ویندے۔ امن کیتے سچی محبت دا تقاضا اے جو ناانصافی جتھاں وی تھیوے ایندے خلاف آواز چاتی ونڄے۔ اے ویلھا دنیا دیاں قوماں توں غور و فکر منڳدے۔ سفارتی تے تجارتی تعلقات کوں کݙاہیں وی بنیادی انسانی قدراں دی قیمت تے نی آوݨا چاہیدا ۔ دنیا کوں فیصلہ کرݨا ہوسی جو او تھوڑے عرصے دے فیدیں کوں ترجیح ݙیسی یا عالمی انصاف تے انسانی وقار دے نال مضبوطی نال کھڑی تھیسی۔