اسلام آباد۔ 27 فروری (اے پی پی) وزیر دفاع خواجہ محمد آصف آکھیا جو اساݙے صبر دا پیمانہ لبریز تھی ڳئے، ہݨ اساݙی تہاݙی کھلی جنگ اے، پاکستان دی فوج سمندر پار توں کائنی آئی ہوئی، اساں ہمسائے ہیسے اتے تہاݙی اوقات جاݨدوں۔ جمعہ دی سویل آپݨے ٹویٹ اچ وزیر دفاع خواجہ محمد آصف دا آکھݨ ہا جو نیٹو دی افواج دے انخلاء دے بعد اے توقع کیتی ویندی ہئی …
پاکستان حالات نارمل رکھݨ دی پوری کوششں کیتی پر طالبان ہندوستان دی پراکسی بݨ ڳئے، وزیر دفاع
اسلام آباد۔ 27 فروری (اے پی پی) وزیر دفاع خواجہ محمد آصف آکھیا جو اساݙے صبر دا پیمانہ لبریز تھی ڳئے، ہݨ اساݙی تہاݙی کھلی جنگ اے، پاکستان دی فوج سمندر پار توں کائنی آئی ہوئی، اساں ہمسائے ہیسے اتے تہاݙی اوقات جاݨدوں۔ جمعہ دی سویل آپݨے ٹویٹ اچ وزیر دفاع خواجہ محمد آصف دا آکھݨ ہا جو نیٹو دی افواج دے انخلاء دے بعد اے توقع کیتی ویندی ہئی جو افغانستان اچ امن تھیسی اتے طالبان افغان عوام دے مفادات تے علاقے اچ امن دے قیام تے توجہ ݙیسن پر طالبان افغانستان کوں ہندوستان دی کالونی بݨا ݙتا۔ ساری دنیا دے دہشت گرداں کوں افغانستان اچ اکٹھا کر ڳھدا اتے دہشت گردی کوں ایکسپورٹ کرݨا شروع کر ݙتا۔ انہاں آکھیا جو افغان حکومت آپݨی عوام کوں بنیادی انسانی حقوق توں محروم کر ݙتا، تریمتیں کوں جو حقوق اسلام ݙیندے او وی کھس ڳھدے۔ انہاں آکھیا جو پاکستان براہِ راست تے دوست ممالک دے ذریعے حالات نارمل رکھݨ دی پوری کوشش کیتی، بھرپور سفارت کاری کیتی پر طالبان ہندوستان دی پراکسی بݨ ڳئے اڄ جݙاں پاکستان کوں جارحیت دا نشانہ بݨاوݨ دی کوشش کیتی ڳئی تاں الحمد للہ اساݙی افواج ایں ویلھے فیصلہ کن جواب ݙیندی پئن۔
