اسلام آباد۔ 27 فروری (اے پی پی) افغان طالبان حکومت دی پاک-افغان سرحد تے بلا اشتعال کارروائی دا پاکستان ولوں فوری تے موثر جواب ݙے ݙتا ڳئے۔ وزارت اطلاعات و نشریات توں خمیس کوں سماجی رابطے دے پلیٹ فارم "ایکس" تے کیتی گئی پوسٹ دے مطابق، افغان طالبان نے سنگین خوش فہمی دا شکار تھیندے ہوئیں خیبر پختونخوا اچ پاکستان افغانستان سرحد تے ڈھیر سارے مقامات تے بلا اشتعال فائرنگ …
افغان طالبان حکومت دی سرحد تے بلا اشتعال کارروائی دا فوری تے موثر جواب ݙتا ڳئے، وزارت اطلاعات
اسلام آباد۔ 27 فروری (اے پی پی) افغان طالبان حکومت دی پاک-افغان سرحد تے بلا اشتعال کارروائی دا پاکستان ولوں فوری تے موثر جواب ݙے ݙتا ڳئے۔ وزارت اطلاعات و نشریات توں خمیس کوں سماجی رابطے دے پلیٹ فارم “ایکس” تے کیتی گئی پوسٹ دے مطابق، افغان طالبان نے سنگین خوش فہمی دا شکار تھیندے ہوئیں خیبر پختونخوا اچ پاکستان افغانستان سرحد تے ڈھیر سارے مقامات تے بلا اشتعال فائرنگ دی حماقت کیتی جیندے تے پاکستان دی سکیورٹی فورسز ولوں فوری تے موثر جواب ݙتا ویندا پئے۔ چترال، خیبر، مہمند، کرم تے باجوڑ سیکٹرز اچ طالبان حکومت دی افواج کوں دھول چٹویندے ہوئیں بھرپور جوابی کارروائی کیتی ویندی پئی اے۔ ابتدائی رپورٹاں اچ افغانستان دے بھاری جانی نقصان دی تصدیق تھئی اے اتے انہاں دی کئی چوکیاں تے سازوسامان و آلات تباہ تھی ڳئن۔ پاکستان آپݨی علاقائی سالمیت تے آپݨے شہریاں دے تحفظ کوں یقینی بݨاوݨ کیتے سارے ضروری اقدامات کریسی۔ افغان طالبان رجیم دی پاک افغان سرحد تے بلا اشتعال فائرنگ دا بھرپور تے موثر جواب ݙتا ویندا پئے اتے ݙتا ویندا رہسی۔
