آپریشن غضب للحق، افغان طالبان رجیم دے 72 کارندے ہلاک، 120 زخمی، 16 پوسٹیں تباہ، 7 تے قبضہ کر ڳھدا ڳئے، عطا اللہ تارڑ

اسلام آباد۔ 27 فروری (اے پی پی) آپریشن ’’غضب للحق ‘‘ دے دوران افغان طالبان رجیم دے 72 کارندے ہلاک تے 120 توں زیادہ زخمی تھی ڳئے۔ وفاقی وزیر اطلاعات تے نشریات عطا اللہ تارڑ دی سماجی رابطے دے پلیٹ فارم “ایکس” تے کیتی ڳئی پوسٹ دے مطابق آپریشن ’’غضب للحق‘‘ دے دوران خمیس تے جمعہ دی وچلی رات ݙو وجے تئیں افغان طالبان رجیم دے 72 کارندے ہلاک، 120 توں ودھ زخمی، 16 پوسٹیں تباہ تے 7 پوسٹاں تے قبضہ کر ڳھدا ڳیا۔ ایندے علاوہ افغان طالبان رجیم دا ہک ایمونیشن ڈپو، بٹالین ہیڈ کوارٹر، سیکٹر ہیڈ کوارٹر تے 36 توں ودھ ٹینک، آرٹلری گنز تے اے پی سیز تباہ کر ݙتے گئے۔ ٻئی جوابی کارروائیاں جاری ہن تے ہر جارحیت دا ݙٹ تے مقابلہ کیتا ویسی۔