فیصل آباد۔ 27 فروری (اے پی پی) وزیراعظم دے معاون خصوصی تجارت رانا احسان افضل خان افغانستان دی پاک افغان بارڈر تے بلاجواز جارحیت دی مذمت کریندے پاک فوج دی طرفوں دشمن کوں بھرپور جواب ݙیوݨ تے خراجِ تحسین پیش کیتے۔ گورنمنٹ کالج یونیورسٹی وچ ’’چیلنجز آف پاکستان ٹریڈ‘‘ دے موضوع تے منعقدہ سیمینار دے بعد میڈیا نال ڳالھ کریندے انہاں آکھیا پوری قوم افواجِ پاکستان دے رلے کھڑی اے۔ …
قومی خودمختاری تے کوئی سمجھوتہ کائنی، رانا احسان افضل خان
فیصل آباد۔ 27 فروری (اے پی پی) وزیراعظم دے معاون خصوصی تجارت رانا احسان افضل خان افغانستان دی پاک افغان بارڈر تے بلاجواز جارحیت دی مذمت کریندے پاک فوج دی طرفوں دشمن کوں بھرپور جواب ݙیوݨ تے خراجِ تحسین پیش کیتے۔ گورنمنٹ کالج یونیورسٹی وچ ’’چیلنجز آف پاکستان ٹریڈ‘‘ دے موضوع تے منعقدہ سیمینار دے بعد میڈیا نال ڳالھ کریندے انہاں آکھیا پوری قوم افواجِ پاکستان دے رلے کھڑی اے۔ ساݙیاں دعاواں جنگ دے محاذ تے برسرِ پیکار جواناں دی سلامتی تے پاکستان دی فتح سانڳے ہن۔ انہاں آکھیا پاکستان دی خودمختاری تے کوئی سمجھوتہ کائناں تھیسی۔ انہاں آکھیا چیف آف ڈیفنس فورسز، فیلڈ مارشل سید عاصم منیر دی قیادت وچ افواجِ پاکستان ہر چیلنج نال نبڑݨ کیتے ہر ویلھے تیار ہن۔ انہاں آکھیا فیلڈ مارشل سید عاصم منیر دی مدبرانہ قیادت وچ افواجِ پاکستان دشمن کوں واضح پیغام ݙے ݙتے۔ انہاں آکھیا بہادر افواج دی پیشہ ورانہ مہارت تے جرات قوم دا اعتماد مزید تکڑا کرݙتے۔ انہاں آکھیا دشمن دے ناپاک عزائم قوم دے اتحاد تے عسکری تیاری دے سامݨے کݙاہیں کامیاب نی تھی سڳدے، پوری قوم اپݨے محافظاں دے نال سیسہ پلائی کندھ وانڳوں کھڑی اے۔
