افغان جارحیت، آپریشن غضب للحق وچ ہݨ تئیں طالبان رجیم دے 274 اہلکار ہلاک، 400 زخمی، طالبان رجیم دی 74 پوسٹاں تباہ، 18 چوکیاں تے قبضہ، دشمن دے 115 ٹینک تے بکتر بند گاݙیاں تباہ کیتیاں ڳئن، ڈی جی آئی ایس پی آر لیفٹیننٹ جنرل احمد شریف چوہدری

راولپنڈی۔ 27 فروری (اے پی پی) پاک فوج دے شعبہ تعلقات عامہ (آئی ایس پی آر) دے ترجمان لیفٹیننٹ جنرل احمد شریف چوہدری آکھیے جو پاکستان دی سکیورٹی فورسز پاک افغان سرحد دے ملحقہ علاقیں وچ فتنہ الہندوستان تے فتنہ الخوارج دے 22 ٹھکاݨیں کوں نشانہ بݨایا ڳئے، کابل، پکتیا تے قندھار وچ اہداف کوں انتہائی درستگی نال نشانہ بݨایا ڳئے، طالبان رجیم دی طرفوں پاک افغان بارڈر تے 15 سیکٹرز وچ 53 جہیں تے فائرنگ کیتی ڳئی، سکیورٹی فورسز ساریاں 53 جہیں تے حملے ناکام بݨائن ، آپریشن غضب للحق وچ ہݨ تئیں طالبان رجیم دے 274 اہلکار ہلاک، 400 زخمی، طالبان رجیم دی 74 پوسٹاں تباہ، 18 چوکیاں تے قبضہ، دشمن دے 115 ٹینک تے بکتر بند گاݙیاں تباہ کیتیاں ونڄ چکئن۔ او آپریشن غضب للحق دے حوالے نال بریفنگ ݙیندے پئے ہن۔ ڈی جی آئی ایس پی آر آکھیا 21 تے 22 فروری دی رات پاکستانی افواج بارڈر دے نیڑے فتنہ الخوارج دے ٹھکاݨیں کوں نشانہ بݨایا، افغان طالبان رجیم اینکوں بنیاد بݨا تے سو کالڈ ایکشن کیتا۔ پاکستان ایہوجیہا بھرپور جواب ݙتا جو دنیا ݙٹھا، سارے 53 جہیں تے دشمن کوں منہ بھن جواب ݙتا ڳئے۔ آپریشن غضب للحق وچ 274 طالبان رجیم دے اہلکار تے خوارج ہلاک، جݙاں جو 400 توں ودھ زخمی تھئن۔ طالبان رجیم دی 74 توں ودھ پوسٹاں مکمل طور تے تباہ کیتیاں ڳئن، طالبان رجیم دی 18 چوکیاں پاکستان دے قبضے وچ ہن جݙاں جو دشمن دے 115 ٹینک، بکتر بند گاݙیاں تباہ کیتیاں ونڄ چکئن