اسلام آباد۔ 27 فروری (اے پی پی) افغانستان توں تھیوݨ والے دہشت گرد حملیاں اتے فوجی اشتعال انگیزیاں دے خلاف پاکستان دیاں اپݨے دفاع اچ کارروائیاں، افغان سرزمین توں فتنہ الخوارج اتے فتنہ الہندوستان ولوں پاکستان دے خلاف واری واری تھیوݨ والے دہشت گرد حملیاں، ایں توں پہلے 26 فروری دی رات طالبان حکومت دی تازہ بلاجواز اتے اشتعال انگیز کارروائیاں دے جواب اچ پاکستان دیاں بہادر مسلح افواج ٻہوں …
طالبان حکومت دیاں بلاجواز، اشتعال انگیز کارروائیاں تے پاکستان نہایت درست اتے ہدفی آپریشنز کیتن، دہشتگرد تنظیماں کوں بھاری نقصان چاوݨا پئے، ترجمان دفتر خارجہ
اسلام آباد۔ 27 فروری (اے پی پی) افغانستان توں تھیوݨ والے دہشت گرد حملیاں اتے فوجی اشتعال انگیزیاں دے خلاف پاکستان دیاں اپݨے دفاع اچ کارروائیاں، افغان سرزمین توں فتنہ الخوارج اتے فتنہ الہندوستان ولوں پاکستان دے خلاف واری واری تھیوݨ والے دہشت گرد حملیاں، ایں توں پہلے 26 فروری دی رات طالبان حکومت دی تازہ بلاجواز اتے اشتعال انگیز کارروائیاں دے جواب اچ پاکستان دیاں بہادر مسلح افواج ٻہوں درست اتے ہدفی آپریشنز کریندے دہشت گرد تنظیماں کوں بھاری نقصان پچائے اتے افغانستان اچ موجود انھاں دے لاجسٹک سپورٹ مراکز کوں نشانہ ٻݨائے۔ دفترِ خارجہ توں جاری بیان دے مطابق پاکستان اے کارروائیاں اپݨے حقِ دفاع اچ کیتن تاں جو اپݨے شہریاں دے جان و مال دے تحفظ دے نال نال خطے اتے ایندے توں ٻاہرو دے امن و سلامتی کوں یقینی ٻݨایا ونج سڳے۔ طالبان حکومت دی کہیں ؤی ٻئی اشتعال انگیزی یا کہیں وی دہشت گرد گروہ ولوں پاکستانی عوام دے امن و سلامتی اتے فلاح و بہبود کوں نقصان پچاوݨ دی کہیں کوشش دا تکڑا، متناسب اتے فیصلہ کن ولدا ݙتا ویسی۔ پاکستان خطے اچ امن اتے استحکام چاہندے اتے افغان سرزمین توں اٹھݨ والی دہشت گردی دے مسئلے دے حل کیتے صبر و تحمل نال سیاسی اتے سفارتی کوششاں جاری رکھیاں ہوئن ٻھل اے افسوسناک اے جو پاکستان دیاں کئی خیر سگالی دیاں کوششاں اتے ݙاݙھے ذمہ دارانہ رویے کوں غلط سمجھیا ڳئے جیندے نال افغان سرزمین توں دہشت گرد حملے ودھین ڄیکوں طالبان حکومت اتے بھارت دی فعال حمایت اتے پشت پناہی حاصل رہی۔ پاکستان، افغانستان توں ابھرݨ والی دہشت گردی دے ناسور دے مکمل خاتمے دے اپݨے عزمِ کوں دوہریندے اتے افغان حکومت توں مطالبہ کریندے جو او فتنہ الخوارج اتے فتنہ الہندوستان کوں افغان سرزمین توں بلا روک ٹوک کارروائیاں دی اجازت ݙیوݨ دا سلسلہ بند کرے، اساں توقع کریندے ہیں جو بین الاقوامی برادری وی اپݨا کردار ادا کریندے ہوئے طالبان حکومت کوں واضح سنیہا ݙیسی جو او انھاں دہشت گرد تنظیماں دے خلاف ٹھوس اتے قابلِ تصدیق اقدامات کرݨ دی اپݨی ذمہ داری توں اکھیں نا مندرے اتے انھاں دی حمایت توں ہتھ چا ڳھنے۔ پاکستان اقوامِ متحدہ دے منشور سودھا بین الاقوامی قانون دے مطابق اپݨے حقِ دفاع اچ اپݨے شہریاں دے تحفظ کیتے ہر مناسب اقدام چاوݨ دا پورا حق رکھدے۔
