طالبان رجیم دے 331 کارندے ہلاک تے 500 زخمی تھئے، وفاقی وزیر اطلاعات عطا اللہ تارڑ دا آپریشن ’’غضب للحق‘‘ دے حوالے نال بیان

اسلام آباد۔ 28 فروری (اے پی پی) آپریشن غضب للحق دے دوران 28 فروری 2026ء کوں سویلے 9 وجے تئیں افغان طالبان رجیم دے 331 کارندے ہلاک تے 500 توں ودھ زخمی تھئے۔ وفاقی وزیر اطلاعات عطا اللہ تارڑ ہفتہ کوں سماجی رابطے دے پلیٹ فارم ’’ایکس‘‘ تے آپݨی ہک پوسٹ اچ ݙسایا جو آپریشن غضب للحق دے دوران افغان طالبان دی 104 چیک پوسٹاں مکمل تباہ تھیاں جݙاں جو 22 چیک پوسٹاں تے قبضہ کیتا ڳیا۔ ایں طرح 163 ٹینک تے مسلح گاݙیاں تباہ کیتیاں ڳیاں۔ افغانستان اچ 37 جہیں کوں فضائی کارروائی اچ موثر طور تے نشانہ بݨایا ڳیا۔