لاہور۔ 28 فروری (اے پی پی) وزیراعظم محمد شہباز شریف سعودی ولی عہد تے وزیراعظم شہزادہ محمد بن سلمان کوں ٹیلی فون کیتا اتے اسرائیل ولوں ایران تے حملے دے نتیجے اچ پیدا تھیوݨ آلی سنگین علاقائی کشیدگی تے بعد اچ کجھ خلیجی ملکاں تے تھیوݨ آلے افسوسناک حملیاں دی شدید مذمت کیتی۔ وزیراعظم آفس دے میڈیا ونگ توں ہفتے کوں جاری بیان دے مطابق وزیراعظم آکھیا جو ایہوجیہے اقدامات …
وزیراعظم محمد شہباز شریف دا سعودی ولی عہد تے وزیراعظم شہزادہ محمد بن سلمان کوں ٹیلی فون
لاہور۔ 28 فروری (اے پی پی) وزیراعظم محمد شہباز شریف سعودی ولی عہد تے وزیراعظم شہزادہ محمد بن سلمان کوں ٹیلی فون کیتا اتے اسرائیل ولوں ایران تے حملے دے نتیجے اچ پیدا تھیوݨ آلی سنگین علاقائی کشیدگی تے بعد اچ کجھ خلیجی ملکاں تے تھیوݨ آلے افسوسناک حملیاں دی شدید مذمت کیتی۔ وزیراعظم آفس دے میڈیا ونگ توں ہفتے کوں جاری بیان دے مطابق وزیراعظم آکھیا جو ایہوجیہے اقدامات خطے دے امن و استحکام کیتے انتہائی خطرناک ہن اتے صورتحال کوں ٻیا وِگاڑ سڳدن۔ وزیراعظم موجودہ صورتحال اچ سعودی قیادت دے نال پاکستان دی مکمل یکجہتی تے بھرپور حمایت دا یقین ݙیویندیں ہوئیں آکھیا جو پاکستان ہر حال اچ، ہر ویلھے تے ہر اوکھی گھڑی اچ آپݨے سعودی بھراواں تے بھینڑاں دے نال کھڑا رہسی۔ انہاں ایں عزم دا اعادہ کیتا جو پاکستان سعودی عرب دی خودمختاری، سلامتی تے علاقائی سالمیت دے تحفظ کیتے آپݨی ثابت قدم حمایت جاری رکھیسی۔ وزیراعظم آکھیا جو پاکستان ایں نازک مرحلے تے تعمیری تے مثبت کردار ادا کرݨ کیتے تیار اے۔ انہاں دعا کیتی جو ماہِ مقدس رمضان المبارک دی برکتاں دے طفیل خطے اچ جلد از جلد امن، استحکام تے ہم آہنگی قائم تھیوے۔
