اسلام آباد۔ 2 مارچ (اے پی پی) وزیراعظم محمد شہباز شریف خطے اچ مزید کشیدگی روکݨ کیتے سفارتی کوششاں وقتی ول شروع کرݨ دی لوڑھ تے زور ݙتے۔ وزیراعظم محمد شہباز شریف عمان دے سلطان ہیثم بن طارق نال ٹیلی فون تے ڳالھ مہاڑ کیتی۔ وزیراعظم دفتر دے میڈیا ونگ توں جاری بیان موجب ݙوہیں رہنماواں ایران تے اسرائیل دے حملے دے تناظر اچ وِڳڑدی موجودہ علاقائی صورتحال جئیں پاروں …
وزیراعظم شہباز شریف دی عمان دے سلطان ہیثم بن طارق نال ٹیلی فون تے ڳالھ مہاڑ
مزید خبراں
اسلام آباد۔ 2 مارچ (اے پی پی) وزیراعظم محمد شہباز شریف خطے اچ مزید کشیدگی روکݨ کیتے سفارتی کوششاں وقتی ول شروع کرݨ دی لوڑھ تے زور ݙتے۔ وزیراعظم محمد شہباز شریف عمان دے سلطان ہیثم بن طارق نال ٹیلی فون تے ڳالھ مہاڑ کیتی۔ وزیراعظم دفتر دے میڈیا ونگ توں جاری بیان موجب ݙوہیں رہنماواں ایران تے اسرائیل دے حملے دے تناظر اچ وِڳڑدی موجودہ علاقائی صورتحال جئیں پاروں پورے خطے دی امن و سلامتی خطرے اچ پئے ڳئی، اوندے تے ڳالھ مہاڑ کیتی ۔ وزیراعظم آکھیے جو اے کشیدگی ہک ایجھے ویلھے تھئی اے جݙاں امریکہ ایران کشیدگی کوں گھٹ کرݨ کیتے سفارتی کوششاں جیندے اچ عمان فعال کردار ادا کیتا، او جاری ہن۔ انھاں حملیں نہ صرف اہم سفارتی عمل کوں پٹری توں لاتھے بلکہ خطے اچ ڳالھ مہاڑ کوں ودھارا ݙیوݨ تے کشیدگی گھٹ کرݨ دی کوششاں کوں وی ضیان پڄایا ۔ انھاں مزید کشیدگی روکݨ تے سفارتی اقدامات کوں وقتی ول شروع کرݨ دی لوڑھ تے زور ݙتا ۔ عمان دے ثالثی کردار دی تعریف کریندے وزیر اعظم مسقط دی طرفوں علاقائی تے بین الاقوامی سٹیک ہولڈرزوچال مکالمے کوں سوکھا بݨاوݨ تے اعتماد سازی دی تعمیری کوششاں دے سلسلے اچ سلطان ہیثم بن طارق دی تعریف کیتی۔ انھاں عمان دی متوازن سفارت کاری کوں خطے اچ استحکام پیدا کرݨ کیتے اہم قرار ݙتا۔ ݙوہیں رہنماواں نیڑے رابطے اچ رہݨ تے امن دی بحالی تے دیرپا علاقائی استحکام کوں یقینی بݨاوݨ کیتے سفارتی اقدامات دی حمایت جاری رکھݨ تے اتفاق کیتا۔
