آپریشن غضب للحق دے دوران ہݨ تئیں افغان طالبان رجیم دے 435 کارندے ہلاک تے 630 توں ودھ زخمی تھئن، عطا اللہ تارڑ

اسلام آباد۔ 2 مارچ (اے پی پی) آپریشن غضب للحق دے دوران 2 مارچ کوں تریجھے پہر ترائے وڄے تئیں افغان طالبان رجیم دے 435 کارندے ہلاک تے 630 توں ودھ زخمی تھئن۔ وفاقی وزیرِاطلاعات عطا اللہ تارڑ سماجی رابطے دے پلیٹ فارم ’’ایکس‘‘ تے آپݨی ہک پوسٹ اچ ݙسایا جو آپریشن غضب للحق دے دوران افغان طالبان دی 188 چیک پوسٹاں تباہ تھیاں جݙاں جو31 چیک پوسٹاں تے قبضہ کیتا ڳئے۔ ایویں 188 ٹینک، اسلحہ بردار گاݙیاں تے آرٹلری گنز تباہ کیتیاں ڳئن۔ افغانستان دے اندر 51 جہیں تے موثر طور تے فضائی کارروائیاں کیتیاں ڳئن۔