قومی اسمبلی ورچوئل اثاثہ جات ٻل 2026 دی منظوری ݙے ݙتی

اسلام آباد۔ 3 مارچ (اے پی پی) قومی اسمبلی ورچوئل اثاثہ جات ٻل 2026 دی منظوری ݙے ݙتی۔ قومی اسمبلی اچ وفاقی وزیرِ پارلیمانی امور ڈاکٹر طارق فضل چوہدری تحریک پیش کیتی جو ورچوئل اثاثہ جات تے ورچوئل اثاثہ جات دی خدمات ݙیوݨ آلے لائسنس ݙیوݨ، انضباط و نگرانی کیتے انضباطی اتھارٹی قائم کرݨ دا ٻل سینیٹ دی طرفوں منظور شدہ صورت اچ فی الفور زیرِغور گھن آیا ونڄے۔ تحریک دی منظوری دے بعد وزیرِ پارلیمانی امورتحریک پیش کیتی جو ورچوئل اثاثہ جات ٻل 2026 منظور کیتا ونڄے جیندی ڈپٹی سپیکر شق وار منظوری ڳھدی۔ بعد اچ انھاں ٻل ایوان اچ منظوری کیتے پیش کیتا جیندی ایوان منظوری ݙے ݙتی۔