آپریشن غضب للحق دے دوران ہݨ تئیں افغان طالبان رجیم دے 464 کارندے ہلاک، 665 توں ودھ زخمی تھئے، وفاقی وزیرِ اطلاعات عطا اللہ تارڑ

اسلام آباد۔ 3 مارچ (اے پی پی) آپریشن غضب للحق دے دوران 3 مارچ 2026ء کوں تریجھے پہر ترائے وڄے تئیں افغان طالبان رجیم دے 464 کارندے ہلاک تے 665 توں ودھ زخمی تھئن۔ وفاقی وزیرِ اطلاعات عطا اللہ تارڑ سماجی رابطے دے پلیٹ فارم “ایکس” تے آپݨی ہک پوسٹ اچ ݙسایا جو آپریشن غضب للحق دے دوران افغان طالبان دی 188 چیک پوسٹاں تباہ تھیاں جݙاں جو 31 چیک پوسٹاں تے قبضہ کیتا ڳئے۔ ایویں 192 ٹینک، بکتر بند گاݙیاں تے آرٹلری گنز تباہ کیتیاں ڳیاں۔ افغانستان اچ 56 جہیں کوں فضائی کارروائی دے ذریعے موثر طورتے نشانہ بݨایا ڳئے۔