وزیراعظم شہباز شریف دی صدارت پارلیمانی جماعتاں دے رہنماواں دا اجلاس، پاکستان دی سفارتی کوششاں دی تعریف، شرکاء دا دہشت گردی دے خاتمے کیتے مضبوط عزم

اسلام آباد۔ 4 مارچ (اے پی پی) قومی اسمبلی تے سینیٹ اچ مختلف پارلیمانی جماعتاں اڄوکے حالات اچ ملی اتحاد تے اتفاق تے یگانگت دی لوڑھ تے زور ݙیندیں ہوئیں خطے اچ امن کیتے پاکستان دی سفارتی کوششاں کوں سراہیا اتے انھاں کوں ٻیا تیز کرݨ دی لوڑھ تے زور ݙتے۔ وزیراعظم محمد شہباز شریف دی صدارت پارلیمانی جماعتاں دے رہنماواں تے نمائندیاں دا اجلاس بدھ کوں تھیا۔ وزیراعظم آفس دے میڈیا ونگ توں جاری بیان دے مطابق اجلاس کوں پاکستان افغانستان صورتحال، ایران، مشرقِ وسطیٰ تے خلیج اچ کشیدگی تے پاکستان دی سفارتی کوششاں دے حوالے نال اِن کیمرہ بریفنگ ݙتی ڳئی۔ بیان دے مطابق اجلاس اچ شریک سیاسی جماعتاں دے پارلیمانی رہنماواں آپݨے خیالات دا کھل تے اظہار کیتا۔ شرکاء موجودہ حالات اچ ملی اتحاد، اتفاق تے یگانگت دی لوڑھ تے زور ݙیندیں ہوئیں خطے اچ امن کیتے پاکستان ولوں سفارتی کوششاں کوں سراہیا، انھاں کوں ٻیا تیز کرݨ دی لوڑھ تے زور ݙتا اتے اڳلے لائحہ عمل تے تجویزاں پیش کیتی جݙاں جو ملک توں دہشت گردی دے خاتمے کیتے سارے شرکاء مضبوط عزم دا اعادہ کیتا۔ شرکاء پاکستان دے وسیع تر مفاد اچ ساری سیاسی قیادت کوں اعتماد اچ گھنݨ دے وزیراعظم دے اقدام کوں سراہندیں ہوئیں انھاں دا شکریہ ادا کیتا۔