وفاقی وزیرِ قومی غذائی تحفظ و تحقیق، رانا تنویر حسین دی زیرِ صدارت کمیٹی آلو دی برآمدات دا چوتھا اجلاس

اسلام آباد۔ 4 مارچ (اے پی پی) وفاقی وزیر قومی غذائی تحفظ و تحقیق، رانا تنویر حسین کمیٹی آلو دی برآمدات دے چوتھے اجلاس دی صدارت کیتی تاں جو ابھردے ہوئے علاقائی چیلنجز دے پیشِ نظر برآمدات دے موجودہ منظرنامے دا جائزہ ڳھدا ونڄ سڳے تے کساناں دے مفادات دے تحفظ کیتے وقتی اقدامات کوں حتمی شکل ݙتی ونڄ سڳے۔اجلاس ایجھے ویلھے تھئے جݙاں پاکستان دی اہم علاقائی منڈیاں تئیں رسائی اچ لاجسٹک مسئلیں اچ ودھارا تھیندا پئے ۔ شرکاء کوں ݙسایا ڳیا جو ایران اچ موجود جنگ نما صورتحال دی وجہ توں روایتی رستے غیر محفوظ تھی ڳئن جݙاں جو افغانستان دی سرحد بند اے جیندے نال وسطی ایشیائی منڈیاں تئیں زمینی رابطے محدود تھی ڳئن۔ ایندے علاوہ کجھ خلیجی رستیں تئیں محدود رسائی وی برآمداتی سرگرمیاں کوں پیچیدہ بݨا ݙتے۔ انھاں حالات پاروں نظر کمیٹی برآمدات کوں برقرار رکھݨ کیتے متبادل تے قابلِ عمل رستیں تے غور کیتا۔ ایں ڳالھ تے زور ݙتا ڳیا جو موجودہ صورتحال اچ وسطی ایشیائی منڈیاں تئیں رسائی کیتے ساریں توں موثر رستہ چین دے ذریعے اے۔ حکومت متعلقہ حکام دے نال فعال رابطے اچ اے تاں جو ایں رستے دے ذریعے تجارت کوں بلا تعطل جاری رکھیا ونج سڳے۔علاقائی غیر یقینی صورتحال پاروں نقل و حمل تے فریٹ لاڳت اچ ودھارے کوں سامݨے رکھیندے وفاقی وزیر برآمد کنندگان کوں ہدفی ٹرانسپورٹ سبسڈی تے رعایتی فریٹ دی فراہمی دے حکومتی عزم تے زور ݙتا۔ اے اقدامات ٻاہرلی رکاوٹاں دی وجہ توں اضافی اخراجات کوں گھٹ کرݨ تے پاکستانی آلو دی بین الاقوامی مارکیٹ اچ مسابقت کوں برقرار رکھݨ کیتے ہن۔ کمیٹی برآمداتی منڈیاں اچ تنوع گھن آوݨ تے وی غور کیتا تاں جو روایتی مارکیٹاں تے انحصار گھٹ کیتا ونڄ سڳے۔ کجھ خلیجی رستیں دی وقتی بندش تے محدودیت دی وجہ توں وزارت فعال طور تے دورِ مشرقی ملکاں، خاص طور تے انڈونیشیا اچ موقع ڳولیندی پئی اے جتھاں طلب دے امکانات موجود ہن۔ مارکیٹ تئیں رسائی ودھاوݨ کیتے تجارتی نمائندیں تے درآمد کنندگان دے نال رابطے جاری ہن۔