اسلام آباد۔ 4 مارچ (اے پی پی) وزیرِاعظم محمد شہباز شریف لبنان دے خلاف اسرائیلی جارحیت دی شدید مذمت کریندے لبنان دے عوام دے نال یکجہتی دا اظہار کیتا تے لبنان دی خودمختاری تے علاقائی سالمیت کیتے پاکستان دی مکمل حمایت دا یقین ݙویندے امن دی کوششاں اچ تعمیری کردار ادا کرݨ دی پیشکش کیتی اے۔وزیراعظم محمد شہباز شریف تے لبنان دے وزیراعظم نواف سلام وچال ٹیلیفون تے رابطہ تھیا …
وزیرِاعظم محمد شہباز شریف دی لبنان دے خلاف اسرائیلی جارحیت دی شدید مذمت، لبنانی عوام دے نال یکجہتی دا اظہار
مزید خبراں
اسلام آباد۔ 4 مارچ (اے پی پی) وزیرِاعظم محمد شہباز شریف لبنان دے خلاف اسرائیلی جارحیت دی شدید مذمت کریندے لبنان دے عوام دے نال یکجہتی دا اظہار کیتا تے لبنان دی خودمختاری تے علاقائی سالمیت کیتے پاکستان دی مکمل حمایت دا یقین ݙویندے امن دی کوششاں اچ تعمیری کردار ادا کرݨ دی پیشکش کیتی اے۔وزیراعظم محمد شہباز شریف تے لبنان دے وزیراعظم نواف سلام وچال ٹیلیفون تے رابطہ تھیا جیندے اچ وزیراعظم محمد شہباز شریف لبنان دے خلاف اسرائیل دی جارحیت دی سخت ترین الفاظ اچ مذمت کیتی۔ انھاں اسرائیلی حملیں نال قیمتی جاناں دے ضیان تے ݙکھ تے افسوس کیتا تے لبنانی عوام دے نال پاکستان دی یکجہتی دا اعادہ کیتا۔ پاکستان تے لبنان وچال پراݨےبھرپی تعلقات دا ذکر کریندے انھاں لبنانی قیادت کوں لبنان دی خودمختاری تے علاقائی سالمیت کیتے پاکستان دی مکمل حمایت دا یقین ݙیوایا تے امن دی کوششاں اچ تعمیری کردار ادا کرݨ دی پیشکش کیتی۔ݙوہیں رہنماواں ایران تے اسرائیل دے حملیں تے بھرا خلیجی ملکاں تے جوابی حملیں دے بعد خطے اچ اڄوکی کشیدگی تے وی ڳالھ مہاڑ کیتی ۔ انھاں وقتی خطے اچ کشیدگی کوں گھٹ کرݨ تے امن دی بحالی دی لوڑھ تے اتفاق کیتا۔ وزیراعظم نواف سلام ایں اوکھے ویلھے لبنان دے نال اظہارِ یکجہتی تے وزیراعظم تے پاکستانی عوام دا شکریہ ادا کیتا۔
