اسلام آباد۔ 6 مارچ (اے پی پی) وزیر اعظم محمد شہباز شریف جمہوریہ آذربائیجان دے صدر الہام علیوف کوں آذربائیجان دی برادر عوام دے نال مکمل یکجہتی تے حمایت دا یقین ݙوائے جݙاں جو ݙوہیں رہنماواں خطے اچ کشیدگی اچ ڳھٹکی اتے امن دی بحالی دی ضرورت تے زور ݙتے اتے رابطے اچ رہݨ تے اتفاق کیتے۔ جمعہ کوں وزیراعظم آفس دے میڈیا ونگ توں جاری بیان دے مطابق وزیراعظم …
وزیر اعظم محمد شہباز شریف دی جمہوریہ آذربائیجان دے صدر الہام علیوف کوں آذربائیجان دے برادر عوام دے نال مکمل یکجہتی تے حمایت دی یقین دہانی، ݙوہیں رہنماواں دا خطے اچ کشیدگی اچ ڳھٹکی اتے امن دی بحالی تے زور تے رابطے اچ رہݨ تے اتفاق
مزید خبراں
اسلام آباد۔ 6 مارچ (اے پی پی) وزیر اعظم محمد شہباز شریف جمہوریہ آذربائیجان دے صدر الہام علیوف کوں آذربائیجان دی برادر عوام دے نال مکمل یکجہتی تے حمایت دا یقین ݙوائے جݙاں جو ݙوہیں رہنماواں خطے اچ کشیدگی اچ ڳھٹکی اتے امن دی بحالی دی ضرورت تے زور ݙتے اتے رابطے اچ رہݨ تے اتفاق کیتے۔ جمعہ کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف اتے جمہوریہ آذربائیجان دے صدر ٹیلی فون تے ڳالھ مہاڑ کیتی۔ ڳالھ مہاڑ اچ وزیراعظم کل آذربائیجان دے ناخچیوان تے تھیوݨ آلے ڈرون حملیاں دی سخت ترین لفظاں اچ مذمت کیتی جیندے اچ معصوم شہریاں کوں نشانہ بݨایا ڳیا، انھاں آذربائیجان دی قیادت کوں یقین ݙلوایا جو پاکستان ایں اوکھے ویلھے آذربائیجان دی برادر عوام دے نال مکمل یکجہتی تے حمایت اچ کھڑے۔وزیرِ اعظم صدر الہام علیوف کوں ایران تے خلیج اچ جاری بحران دے حوالے نال پاکستان دی سفارتی کوششاں دا ݙسیا۔ صدر الہام علیوف وزیراعظم دا ٹیلیفونک رابطے تے شکریہ ادا کیتا اتے ایں اوکھے ویلھے پاکستانی عوام دے یکجہتی تے حمایت دے جذبات کوں سراہیا۔ ݙوہیں رہنماواں خطے اچ کشیدگی اچ ڳھٹکی اتے امن دی بحالی دی لوڑھ تے زور ݙتا اتے رابطے اچ رہݨ تے اتفاق کیتا۔
