اسلام آباد۔ 10 مارچ (اے پی پی) وفاقی وزیرِ اطلاعات و نشریات عطاء اللہ تارڑ نال پاکستان فیڈرل یونین آف جرنلسٹس (پی ایف یو جے) دے وفد ملاقات کیتی۔ ملاقات اچ صحافیاں تے میڈیا ورکرز دیاں تنخواہیں سودھے واجبات دے معاملات تے ڳالھ مہاڑ کیتی ڳئی اے۔ایں موقع تے وفاقی وزیرِ اطلاعات عطاء اللہ تارڑ آکھیا جو پاکستان براڈ کاسٹرز ایسوسی ایشن دے نال میڈیا ورکرز دیاں تنخواہیں دی ادائیگی …
وفاقی وزیرِاطلاعات عطاءاللہ تارڑ نال پی ایف یو جے دے وفد دی ملاقات، صحافیاں تے میڈیا ورکرز دیاں تنخواہیں تے واجبات دے معاملات تے ڳالھ مہاڑ
مزید خبراں
اسلام آباد۔ 10 مارچ (اے پی پی) وفاقی وزیرِ اطلاعات و نشریات عطاء اللہ تارڑ نال پاکستان فیڈرل یونین آف جرنلسٹس (پی ایف یو جے) دے وفد ملاقات کیتی۔ ملاقات اچ صحافیاں تے میڈیا ورکرز دیاں تنخواہیں سودھے واجبات دے معاملات تے ڳالھ مہاڑ کیتی ڳئی اے۔ایں موقع تے وفاقی وزیرِ اطلاعات عطاء اللہ تارڑ آکھیا جو پاکستان براڈ کاسٹرز ایسوسی ایشن دے نال میڈیا ورکرز دیاں تنخواہیں دی ادائیگی دے حوالے نال پہلے ہی ڳالھ مہاڑ تھی چکی اے، چینلز دے واجبات دی منظوری ݙے ݙتی ڳئی اے۔ آوݨ آلے کجھ ݙینھاں اچ اے معاملہ آپݨے منطقی انجام تئیں پڄ ویسی ۔ انھاں آکھیا جو میڈیا مالکان یقین ݙیوائے جو عید توں پہلے سارے واجبات ادا کیتے ویسن، جݙاں جو حکومت وی ایں سلسلے اچ آپݨی کمٹمنٹ تے عمل کریسی تاں جو صحافیاں کوں ویلھے تے فیدہ پڄے۔وفد دے ارکان وفاقی وزیرِ اطلاعات دے اقدام دی تعریف کریندے آکھیا جو عید توں پہلے ادائیگیاں تھی ونڄن تاں میڈیا ورکرز آپݨے ٹٻراں نال عید دی خوشیاں اچ شریک تھی سڳسن۔ وفاقی وزیرِ اطلاعات وفد کوں یقین ݙیوایا جو سارے معاملات دا خوش اسلوبی نال حل ڳولیا ویسی جئیں توں ساریں دی بہتری تھیسی۔
