وزیراعظم شہباز شریف دی ٹیکس محصولات اچ ودھارے کیتے انفورسمنٹ کوں موثر بݨاوݨ دی ہدایت

اسلام آباد۔ 10 مارچ (اے پی پی) وزیراعظم محمد شہباز شریف ٹیکس محصولات اچ ودھارے کیتے ودھ توں ودھ پیداواری شعبیں کوں خودکار نگرانی دے دائرہ کار اچ گھن آوݨ تے ٹیکس چوری دے سدِباب کیتے انفورسمنٹ کوں مزید موثر بݨاوݨ دی ہدایت کیتی اے۔ وزیراعظم دی زیرِ صدارت ایف بی آر دے امور تے ہفتہ وار جائزہ اجلاس منڳل کوں اتھاں منعقد تھیا۔ وزیراعظم ٹیکس محصولات اچ ودھارے کیتے پیداواری شعبیں دی خودکار نگرانی تے زور ݙتا۔ وزیراعظم پرال (PRAL) دی ایگزیکٹو ٹیم اچ میرٹ دی بنیاد تے ماہرین دی بھرتی تے معاشی ٹیم دی پذیرائی کیتی۔انھاں ڈرگ ریگولیٹری اتھارٹی کوں ملک اچ تیار تھئی دوائیں دی سیریئلائزیشن وقتی مکمل کرݨ دی ہدایت کیتی۔ انھاں ٹیکس دہندگان کیتے آٹو ٹیکس سسٹم تے ٻئی ایپلی کیشنز کوں اردو تے ٻئی مقامی زباناں اچ بݨاوݨ دی ہدایت کیتی۔ اجلاس اچ ݙسایا ڳیا جو شوگر، سیمٹ، سگریٹ تے کھاد دے سارے کارخانیں اچ پیداوار دی نگرانی کیتی ویندی پئی اے جیندے نال ٹیکس محصولات اچ ودھارا تھئے ۔ ݙسایا ڳیا جو جولائی 2025 توں جنوری 2026 تئیں ٹیکس مقدمیں دے فیصلے دے نتیجے اچ قومی خزانے اچ 102.9 ارب روپے ٹیکس وصولی تھئی۔ وزیراعظم کوں ݙسایا ڳیا جو عصری تقاضیں موجب ایف بی آر دا نواں ڈیٹا سینٹر مکمل طور تے تیار تھی چکیے تے پٹرولیم مصنوعات دی جی پی ایس ٹریکنگ کیتے مربوط نظام لاڳو تھی چکئے۔