اسلام آباد۔ 10 مارچ (اے پی پی) نائب وزیراعظم تے وزیرِ خارجہ سینیٹر محمد اسحاق ڈار چین دے وزیرِ خارجہ وانگ یی دے نال ٹیلی فون تے ڳالھ مہاڑ کیتی ۔ وزارتِ خارجہ توں جاری بیان موجب ݙوہیں رہنماواں خطے دی بدلدی ہوئی صورتحال تے عالمی سطح تے تھیوݨ آلی پیشرفت تے ڳالھ مہاڑ کیتی۔ نائب وزیراعظم تے وزیرِ خارجہ سینیٹر محمد اسحاق ڈار پاکستان دا موقف پیش کریندے مشرقِ …
نائب وزیراعظم تے وزیرِ خارجہ اسحاق ڈار دی چین دے وزیرِ خارجہ وانگ یی نال ٹیلی فون تے ڳالھ مہاڑ
مزید خبراں
اسلام آباد۔ 10 مارچ (اے پی پی) نائب وزیراعظم تے وزیرِ خارجہ سینیٹر محمد اسحاق ڈار چین دے وزیرِ خارجہ وانگ یی دے نال ٹیلی فون تے ڳالھ مہاڑ کیتی ۔ وزارتِ خارجہ توں جاری بیان موجب ݙوہیں رہنماواں خطے دی بدلدی ہوئی صورتحال تے عالمی سطح تے تھیوݨ آلی پیشرفت تے ڳالھ مہاڑ کیتی۔ نائب وزیراعظم تے وزیرِ خارجہ سینیٹر محمد اسحاق ڈار پاکستان دا موقف پیش کریندے مشرقِ وسطیٰ تے وسیع تر خطے اچ کشیدگی گھٹ کرݨ دی وقتی لوڑھ تے زور ݙتا۔چین دے وزیرِ خارجہ وانگ یی خطے اچ کشیدگی اچ کمی تے استحکام دے ودھارے کیتے پاکستان دی تعمیری کوششاں دی تعریف کیتی ۔ ݙوہیں رہنماواں کشیدگی اچ کمی دی اہمیت تے زور ݙیندے ایں ڳالھ تے وی تاکید کیتی جو اقوامِ متحدہ دے منشور دے اصولاں موجب مکالمے تے سفارت کاری کوں اڳوں ودھایا ونڄے۔ ݙوہیں ملکاں پاکستان تے چین دے ہر موسم اچ قائم رہݨ آلے سٹریٹجک تعاون تے مبنی شراکت داری دی مضبوطی دا وی اعادہ کیتا، ݙو طرفہ تعاون کوں مزید گہرا کرݨ دے مشترکہ عزم دا اظہار کیتا تے نیڑے رابطے اچ رہݨ تے اتفاق کیتا، جیندے نال تعلقات مزید بہتر تھیسن۔
