قیصر احمد شیخ کابینہ دے واحد وزیر جیڑھے 24 مہینے توں بغیر تنخواہ کم کریندے پئن

اسلام آباد۔ 12 مارچ (اے پی پی) وفاقی وزیر سرمایہ کاری قیصر احمد شیخ ملک دی معاشی صورتحال پاروں صاحبِ استطاعت ارکانِ پارلیمنٹ کوں آپݨیاں تنخواہیں قومی خزانے اچ جمع کراوݨ دی تلقین کیتی اے۔اے پی پی نال پارلیمںٹ ہاؤس دے ٻاہروں ڳالھ کریندے انھاں ݙسایا جو او بطور وفاقی وزیر گزریل 24 مہینے توں آپݨیاں خدمات بغیر کہیں تنخواہ تے مراعات دے انجام ݙیندے پئن۔ انھاں آکھیا جو عوامی ریلیف کیتے ایثار دا مظاہرہ کرݨا چاہیدے، جیندے نال ملکی معیشت کوں سہارا ملسی۔