سپیکر قومی اسمبلی سردار ایاز صادق دی نیشنل پریس کلب دی نویں منتخب قیادت کوں مبارخ

اسلام آباد۔14مارچ(اے پی پی) سپیکر قومی اسمبلی سردار ایاز صادق نیشنل پریس کلب دی نویں منتخب قیادت کوں مبارخ ݙتی اے۔ میڈیا دفتر توں جاری بیان موجب سپیکر آکھیا جو ڈیموکریٹ پینل دے صدر عبدالرزاق سیال، سیکرٹری فرقان راؤ تے ٻئے کامیاب امیدواراں کوں دلوں مبارخ پیش کرینداں۔ سپیکر قومی اسمبلی آکھیا جو نیشنل پریس کلب ملک وچ آزادیِ اظہار تے خودمختار صحافت دا مضبوط قلعہ اے، امید اے نویں قیادت صحافیاں کوں پیش آندے چیلنجز دا جرات تے عزم نال مقابلہ کریسی۔ انھاں آکھیا جو حکومت صحافی برادری دے جائز حقوق تے مؤقف دی حمایت جاری رکھیسی، آزاد تے ذمہ دار صحافت دا ودھارا قومی ترقی تے خوشحالی کیتے ضروری اے۔ سپیکر قومی اسمبلی آکھیا جو آزادیِ صحافت کیتے پارلیمنٹ ہمیشہ صحافی برادری دے نال کھڑی رہسی، پارلیمنٹ صحافیاں دے حقوق، حفاظت تے سیفٹی کیتے وی متفقہ قانون سازی کیتی۔ انھاں آکھیا جو حکومت آزادیِ صحافت تے مکمل یقین رکھیندی اے، امید اے نویں منتخب قیادت صحافتی برادری دے اعتماد تے پوری لہسی۔