اسلام آباد۔15مارچ(اے پی پی) وفاقی وزیر سائنس و ٹیکنالوجی خالد حسین مگسی اسلاموفوبیا دے خاتمے دے عالمی ݙینھ دے موقع تے اپݨے پیغام وچ آکھیے دنیا وچ مسلماناں دے خلاف ودھدی نفرت تے تعصب دا خاتمہ ویلھے دی اہم لوڑھ اے، نفرت انگیز جرائم روکݨ کیتے عالمی برادری کوں موثر قانونی اقدامات کرݨے ہوسن۔ وزارتِ سائنس و ٹیکنالوجی توں جاری پیغام وچ خالد حسین مگسی آکھیا جو اسلام امن، رواداری …
مسلماناں دے خلاف ودھدی نفرت تے تعصب دا خاتمہ ویلھے دی اہم لوڑھ اے،خالد حسین مگسی
مزید خبراں
اسلام آباد۔15مارچ(اے پی پی) وفاقی وزیر سائنس و ٹیکنالوجی خالد حسین مگسی اسلاموفوبیا دے خاتمے دے عالمی ݙینھ دے موقع تے اپݨے پیغام وچ آکھیے دنیا وچ مسلماناں دے خلاف ودھدی نفرت تے تعصب دا خاتمہ ویلھے دی اہم لوڑھ اے، نفرت انگیز جرائم روکݨ کیتے عالمی برادری کوں موثر قانونی اقدامات کرݨے ہوسن۔ وزارتِ سائنس و ٹیکنالوجی توں جاری پیغام وچ خالد حسین مگسی آکھیا جو اسلام امن، رواداری تے انصاف دا پیغام ݙیوݨ والا دین اے، اسلام کوں انتہا پسندی نال جوڑݨ حقیقت توں لاعلمی دی علامت اے۔ وفاقی وزیر آکھیا جو پاکستان اسلاموفوبیا دے خلاف بین الاقوامی فورمز تے مسلسل آواز چیندا رہیے، مسلماناں دے خلاف تعصب ٻاہرلے ملکاں وچ رہݨ آلے پاکستانیاں دی سلامتی تے تحفظ کوں متاثر کریندے۔ خالد حسین مگسی مزید آکھیا جو تعصب مکاوݨ تے مکالمے دے ودھارے کیتے عالمی برادری کوں مشترکہ اقدامات کرݨے چاہیندن۔ انھاں آکھیا جو ٻاہرلے ملکاں وچ رہݨ آلے پاکستانی مختلف معاشریں دی ترقی وچ نمایاں کردار ادا کریندے پئن۔ خالد حسین مگسی آکھیا جو پاکستان وچ اقلیتاں کوں برابر دے حقوق تے بہتر موقع ݙتے ویندے پئن۔
