لاہور ۔ 15 جولائی (اے پی پی) وفاقی کابینہ وزیراعظم محمد نواز شریف ولوں اقوام متحدہ کو یاد ڈیوائے گئے ” نا مکمل ایجنڈے“ دا ہک واری ولا اعادہ کریندے ہوئیں مطالبہ کیتا ہے جو اقوام متحدہ خود اپنڑیاں قرارداداں تے عملدرآمد سانگے نویں سرے توں کوششاں دا آغاز کرے اتے کشمیریاں دے حق خودارادیت دے حصول کوں یقینی بنڑاوے جڈانجو کابینہ بھارتی مظالم دے خلاف 19جولائی کو ںیوم سیاہ مناونڑ دااعلان کریندے ہوئیں ایں عزم دا وی اظہار کیتا ہے جو حکومت وزیراعظم دی قیادت وچ کشمیریاں سانگے اپنڑی اخلاقی، سیاسی اتے سفارتی امداد کوں جاری رکھیسی اتے کہیں صورت وچ وی ا نہاں کوں کلھا کائناں چھوڑسی۔ وفاقی کابینہ دا اجلاس جمعہ کوں وزیراعظم نواز شریف دی صدارت وچ گورنر ہاﺅس لاہور وچ منعقد تھیا جیندے وچ مقبوضہ کشمیردی صورتحال دا جائزہ گھدا گیا۔ وفاقی کابینہ وزارت خارجہ کون ہدایت کیتی جو پوری دنیا وچ اپنڑے سفیراں دے ذریعے بھارتی سیکیورٹی فورسز دے غیرانسانی مظالم اتے طرز عمل بارے آگاہ کرین کیونجو پاکستان دی عوام کشمیریان دے حق خودارادیت تے مکمل یقین رکھیندی ہے، دنیا جانڑدی ہے جو حق خودارادیت دی موجودہ تحریک کشمیریاں دی اپنڑی آزادی دی تحریک ہے جیندا تعلق دہشت گردی نال جوڑنابہوں وڈی بددیانتی ہے۔ بھارتی حکومت دا بے بنیاد پروپیگنڈہ نہ تاں ایں تحریک دی اساس کوں تبدیل کر سگدے اتے نہ ای عالمی رائے عامہ کوں گمراہ کرنڑ وچ کامیاب تھی سگدے۔ وفاقی کابینہ 19جولائی 2016ءکوں یوم سیاہ دے طور تے مناونڑ دا اعلان کیتا تا ں جو عالمی ضمیر دی توجہ بھارتی افواج دے مظالم اتے انسانی حقوق دیاںخلاف ورزیاں تے مبذول کیتی ونج جا سگے۔ ایہ فیصلہ کیتا گیا جو پارلیمنٹ دا سانجھاجلاس آوندے ہفتے وچ طلب کیتا ویسی۔ کشمیر دے نہتے شہریان دے خلاف بھارتی سرکار ولوں طاقت دا بے رحمانہ استعمال مہذب دنیا سانگے ناقابل قبول ہے اتے مسلسل عالمی ضمیر کو ںجھنجھوڑ دارپئے۔ وفاقی کابینہ دے اجلاس دے اعلامیے وچ آکھیا گئے جو پاکستان دی حکومت اتے عوام کشمیر وچ معصوم انسانی جاناں دے ضیاع تے شدید افسوس دا اظہار کریندے ہوئیں انہاں واقعات دی پرزور مذمت کریندے ہن۔ اہل کشمیر دے نال اپنڑے تریخی اتے تہذیبی رشتے دی وجہ نال پورا پاکستان انہاں دے ڈکھ کوں اپنڑاں ڈکھ اتے انہاں دی خوشی کوں اپنڑی خشی سمجھدے ۔ پاکستان اتے کشمیر ہک تہذیبی اکائی دا ناں ہے، پاکستان دی عوام کشمیری بھراواں دے درد کوں اپنڑے دل وچ محسوس کریندے ہن ۔ بھارت دی سیکیورٹی فورسز جیرھی بے دردی نال عام شہریاں دی رت وھائی ہے ایندے نال پاکستان سمیت مہذب دنیا وچ شدید اضطراب ہے۔ بھارت دی ریاست اگر جنوبی ایشیا دی عوام دے جذبات کوںنظرانداز کرنڑ دا سلسلہ بند نہ کیتا تاں ایہ خطے دے امن سانگے نیک شگون کائناںہوسی۔ کشمیر دی عوام 1948ءتوں اپنڑی آزادی دی جنگ لڑ دے پن۔ اقوام متحدہ ولوںانہاںدے حق خودارادیت دی تائید این گالھ دا ڈوٹوک اظہار ہے جو عالمی برادری کشمیر تے بھارت دے قبضے کوں ناجائز اتے کشمیریاںدی جدوجہد آزادی کوں حق بجانت سمجھدی ہے۔ ایہ گالھ باعث افسوس ہے جو بھارتی حکومت عالمی برادری دی رائے اتے اہل کشمیر دے جذبات ڈوہائیں کوں نظرانداز کیتا جیں نے کشمیر دے لوکاں کوں مجبور کیتاہے جو ا وہ ایں ناجائز قبضے دے خلاف اٹھ کھڑے ہونڑں۔ بھارت کشمیر تے ناجائز قبضے دے نال اہل کشمیر دی جدوجہد آزادی کوں ڈباونڑں سانگے جیرھی طر ح انسانی حقوق کو ںپامال کیتا ہے ا وہ کہیں مہذب ریاست سانگے باعث عزت نی تھی سگدا ۔ ایہا وجہ ہے جو پوری دنیا وچ انسانی حقوق دیاں تنظیماںبھارت ولوں ریاستی قوت دے ایں استعمال دی مذمت کریندیاں رہیاں ہن۔ گزریل ترائے سال توں مقبوضہ کشمیر وچ نوجواناں ہتھیار نی چاتے۔ انہاں سوشل میڈیا اتے بئے ذرائع ابلاغ کوں استعمال کریندے ہوئیں سماجی سطح تے حقوق دی آگاہی دی مہم چلائی ہے۔ا یہ انہاں دا بنیادی حق ہے جیندے توں انہاں کوں محروم نی کیتا ونج جا سگدا ۔ بھارتی ریاست کنوںا یہ سنہری موقع ہائی جو اوہ انہاں نوجواناں نال مکالمہ کریندی اتے انہاں دے جائز مطالبات سنڑدی ۔ افسوس جو ایں واری وی بھارت کشمیریاں کوں محکوم قوم سمجھدے ہوئیں طاقت نال انہاں دی آواز کوں دباونڑ دی کوشش کیتی اتے برہان وانی جئے نویںنسل دے نمائنداں کوں شہید کر ڈتا۔ بھارت کوں ایہ گالھ سمجھنڑاں پوسی جو سنگینیاں دے زور تے دل نی جیتے ونج جا سگدے ۔ کشمیر وچ بھارتی فوج دی تعداد ودھاونڑ مسئلے دا حل کائنی اتے ایندے نال بھارت کوں کوئی فائدہ نی تھی سگیا ۔ ایکوں مکاونڑ دی صورت ایہ ہے جو انہاں دا قتل عام بند کیتا ونجے اتے انہاں دے ایں حق خودارادیت کوں تسلیم کیتا ونجے، اقوام متحدہ جیندا وعدہ کیتا ہویاہے۔ عالمی برادری کوں وی سوچنڑاں پوسی جو انسانی حقوق دی ایجھی سنگین اتے مسلسل خلاف ورزیاں کوں نظرانداز کریندے ہوئیں دنیا توں انتہا پسندی کوں مکایا نی جاسگدا۔ اعلامیے دے مطابق آزادی انسان دا پہلا اتے بنیادی حق ہے جیکوںاقوام متحدہ دا چارٹر قبول کریندا ہے۔ پاکستان اقوام عالم توںایہ مطالبہ کریندا ہے جو اوہ بھارت کوں ایںظلم توں روکے جیرھا بھارت وچ کشمیریاں دے خلاف روا رکھیا ویندا پئے اتے انسانی حقوق دیاں خلاف ورزیاں دا نوٹس گھنے۔ پاکستان بھارت دی حکومت کوں وی آکھدا اے جوا وہ ظلم تے بربریت دا بازار بندکرے۔ جنوبی ایشیا داامن بھارت سمیت ساریاں دی ضرورت ہے۔ ایہ امن اوں ویلھے قائم تھی سگدے جداں معاملات کوں طاقت دی بجائے گالھ مہاڑ نال حل کیتا ویسی۔ بھارت پاکستان دے نال کشمیر دے مسئلے تے نتیجہ خیز مذاکرات کرے جیندے وچ کشمیری نمائنداں کوں وی شامل کیتا ونجے۔ وفاقی کابینہ ماحولیاتی تبدیلی، ایوی ایشن، دفاع، تعلیم، خزانہ، صحت، سائنس تے ٹیکنالوجی، پورٹ اینڈ شپنگ اتے بین الاقوامی تعاون دے حوالے بارے مختلف امور دی منظوری وی ڈے ڈتی ہے۔
