اسلام آباد ۔ 10 نومبر (اے پی پی) وزیر اعظم محمد نواز شریف دے معاون خصوصی ڈاکٹر مصدق ملک آکھیا ہے جو امریکا دے نویں منتخب صدر ڈونلڈ ٹرمپ دی انتخابی مہم دے دوران ڈتے گے سخت بیاناں دا ثر ویلھا گزرنڑ دے بعد مک ویسی ۔ ریڈیو پاکستانال گالھ مہاڑ اچ انہاںپاکستانی حکومتے عوام ولوں امریکی عوام کوں 45ویں دے منتخب تھیونڑ تے مبارخ ڈیندے ہوئیں آکھیا جو انتخابی مہم اتے ریاست دا انتظام ڈو مختلف معاملات ہن ۔انہاں آکھیا جو صدر بنڑ ونجنڑ دے بعد ٹرمپ جیرھا بیان ڈتا ہے ایندے اچ انہاں او سارے امریکیاں دے صدر ہن اتے ہنڑ امریکہ دی ترقی اتے خوشحالی دے سفر داآغاز کریسن ایندے توں ظاہر تھینداہے جو انہاں دی انتخابی مہم دے دوران استعمال کیتے گے سخت الفاظ ریاست دے انتظام دے عمل اچ دم تروڑ ویسن ،وزیراعظم دے معاون خصوصی آکھیا جو ٹرمپ وی ماضی دے امریکی صدراں وانگوں امریکی دی ترقی سانگے کم کریسن ۔پاک امریکہ تعلقات دے حوالے نال پچھے گے سوال دے جواب اچ انہاں آکھیا جو امریکہ دی خارجہ پالیسی اچ پاکستان کوں او مقام ضرور ملسی جیں دا او حق دار ہے ۔انہاں آکھیا جو ڈوہیں ملکاں دی پہلی ترجیح دہشت گردی تے انتہا پسندی دا خاتمہ ہے ایں جنگ اچ پاکستان امریکہ دا اتحادی ہے ۔انہاں آکھیا جو امریکہ افغانستان اچ امن چاہندا ہے اتے افغانستان چ استحکام پاکستان دے مفاد اچ وی ہے ۔ایران دے نال امریکہ چنگے تعلقات چاہندا ہے اتے پاکستان وی وسط ایشیائی ملکاں نال چنگے تعلقات چاہندے ۔پاک چین اقتصادی راہداری دے حوالے نال پچھے گے سوال دا جواب ڈیندے ہوئیں انہاں آکھیا جو روس اتے وسطی ایشیا تئیں راہداری کھل ونجنڑ نال گزریل ڈو سالاں توں جنگاں اچ مصروف ملکاں دی ترقی اتے خوشحالی دے پاسے ودھنڑ شروع تھی ویسی تے ایں نال پاکستان اچ وی نویاں رہواں کھل ویسن ۔
