امریکہ تے ایران دے وچال امن معاہدے کوں آندے 24 گھنٹیاں اچ حتمی شکل ݙتے ونڄݨ دا امکان اے، اے تاریخی امن معاہدہ پائیدار تے دیرپا امن دے قیام کیتے مضبوط بنیاد ثابت تھیسی، وزیراعظم شہباز شریف

اسلام آباد۔13 جون (اے پی پی) وزیراعظم محمد شہباز شریف آکھیا جو امریکہ تے ایران وچال امن معاہدے کوں آندے 24 گھنٹیاں اچ حتمی شکل ݙتے ونڄݨ دا امکان اے، اے تاریخی امن معاہدہ پائیدار تے دیرپا امن دے قیام کیتے مضبوط بنیاد ثابت تھیسی۔ ہفتہ کوں سماجی رابطے دی ویب سائٹ ایکس (ٹویٹر) تے ہک بیان اچ وزیراعظم آکھیا جو اساں امن معاہدے دے پہلے توں کہیں ودھ نیڑے پڄ ڳئیوں، آندے 24 گھنٹیاں اچ معاہدے کوں حتمی شکل ݙتے ونڄݨ دا امکان اے، جئیں دے بعد پاکستان فوری طور تے امن معاہدے تے الیکٹرانک دستخطاں دی تیاری کریندا پئے جڈانجو اگلے ہفتے تکنیکی سطح دے مذاکرات وی متوقع ہن۔ انھاں آکھیا جو جو اساں مذاکرات دے دوران مسلسل تعاون تے عزم تے ریاست ہائے متحدہ امریکہ تے اسلامی جمہوریہ ایران دے شکر گزار ہیسے اتے خطے اچ آپݨے برادر ملکاں دی حمایت کوں وی خراجِ تحسین پیش کریندوں. وزیراعظم ایں اعتماد دا اظہار کیتا جو اے تاریخی امن معاہدہ پائیدار تے دیرپا امن دے قیام کیتے ہک مضبوط بنیاد ثابت تھیسی۔