آندے مالی سال دے بجٹ اچ تنخواہ دار طبقے کوں ریلیف فراہم کرݨ دی بھرپور کوشش کیتی اے، وفاقی وزیر خزانہ محمد اورنگزیب

اسلام آباد۔13 جون (اے پی پی) وفاقی وزیر خزانہ محمد اورنگزیب آکھیا جو حکومت مالی سال 27-2026 دے بجٹ اچ تنخواہ دار طبقے کوں ریلیف فراہم کرݨ دی بھرپور کوششاں کیتن۔ ہفتہ کوں پوسٹ بجٹ پریس کانفرنس توں خطاب کریندیں ہوئیں انھاں ݙسایا جو ڳھٹ آمدݨ آلے ملازمین کیتے سب توں نچلے ٹیکس سلیب تے شرح کوں 5 فیصد توں ڳھٹ کر تے صرف ہک فیصد کر ݙتا ڳئے، جڈانجو 15 فیصد ٹیکس آلے سلیب دی شرح وی ڳھٹ کر تے 13 فیصد کر ݙتی ڳئی اے۔ وزیر خزانہ دا آکھݨ ہئی جو حکومت دی ترجیح تنخواہ دار طبقے تے ٹیکس دا بوجھ ڳھٹ کرݨ اتے انھاں کوں مہنگائی دے اثرات توں ممکنہ حد تئیں ریلیف فراہم کرݨ اے۔ انھاں آکھیا جو نویں ٹیکس اقدامات دا مقصد متوسط تے ڳھٹ آمدنی آلے طبقے دی مالی مشکلات اچ ڳھٹکی کرݨ تے معاشی سرگرمیاں اچ ودھارا کرݨ اے۔