اسلام آباد ۔ 24 نومبر (اے پی پی) دفتر خارجہ دے ترجمان ہک واری ولا واضح کیتا جو پاکستان خطے اچ خصوصی طور بھارت نال سارے معاملے مذاکرات نال حل کرنڑ تے یقین رکھیندے،بھارت کوں کشمیر بارے کئی واری مذاکرات دی دعوت ڈتی جڈانجو نویں دہلی کڈاہیں وی مثبت جواب کائنی ڈتا،پاکستان کوں مقبوضہ کشمیر اچ بھارتی مظالم اتے ایل او سی تے سویلین کوں نشانہ بنڑاونڑ تے گھاٹی تشویش …
دفتر خارجہ دے ترجمان محمد نفیس زکریا دی ہفتہ وار پریس بریفنگ
اسلام آباد ۔ 24 نومبر (اے پی پی) دفتر خارجہ دے ترجمان ہک واری ولا واضح کیتا جو پاکستان خطے اچ خصوصی طور بھارت نال سارے معاملے مذاکرات نال حل کرنڑ تے یقین رکھیندے،بھارت کوں کشمیر بارے کئی واری مذاکرات دی دعوت ڈتی جڈانجو نویں دہلی کڈاہیں وی مثبت جواب کائنی ڈتا،پاکستان کوں مقبوضہ کشمیر اچ بھارتی مظالم اتے ایل او سی تے سویلین کوں نشانہ بنڑاونڑ تے گھاٹی تشویش اے۔بھارت ایل او سی تے بلا اشتعال فائرنگ نال مقبوضہ کشمیر اچ مظالم نال دنیا دی توجہ ہٹاونڑ دی کوشش کریندا پئے۔۔دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ وچال صحافیاں دے سوالاں دا جواب ڈیندیں ہوئیں آکھیا جو پاکستان مقبوضہ کشمیر اچ بھارتی مظالم اتے انسانی حقوق دی خلاف ورزیاں دامعاملہ اہم ملکاں نال پر زور انداز اچ چیندا پئے ۔پاکستا ن کوں مقبوضہ کشمیر اچ بھارتی مظالم اتے ایل او سی تے سویلین آبادی کوں نشانہ بنراونڑ تے گھاٹی تشویش اے۔ترجمان ڈسایا جو گزریل ڈینھ ڈوہاں ملکاں دے ڈی جی ایم اوز اجلاس وچال بھارت کوں سنھیا ڈتے گئے جو سویلین کوں نشانہ بنڑاونڑ برداشت کائنی ۔ہک سوال دے جواب اچ ترجمان آکھیا جو پاکستان بھارتی فائرنگ دامنہ تروڑ جواب ڈیندے جڈانجو اساڈی کوشش ہوندی اے جو سویلین نشانہ نہ بنڑنڑ جڈانجو بھارتی پوسٹاں کوں نشانہ بنڑایا ویندے۔افغانستان بارے ہک سوال دا جواب ڈیندیں ہوئیں ترجمان آکھیا جو پاکستان افغانستان اچ قیام امن دی غرض نال سارے اقدامات دا خیر مقدم کریندے۔
