اسلام آباد۔ 10 اپریل (اے پی پی) صدرِ مملکت آصف علی زرداری رپبلک آف دی یونین آف میانمار دے صدر، سینئر جنرل من آنگ ہلینگ کوں انھاں دے انتخاب تے مبارکباد ݙیندیں ہوئیں ݙوہیں ملکاں وچال ݙوپاسہ تعلقات اچ مسلسل پیشرفت تے اعتماد دا اظہار کیتے۔ جمعہ کوں ایوانِ صدر دے پریس ونگ دے مطابق صدرِ مملکت آپݨے تہنیتی خط اچ صدر من آنگ ہلینگ کوں منصب سنبھالݨ تے پرتپاک …
صدرِ مملکت دی میانمار دے صدر من آنگ ہلینگ کوں منصب سنبھالݨ تے مبارکباد
اسلام آباد۔ 10 اپریل (اے پی پی) صدرِ مملکت آصف علی زرداری رپبلک آف دی یونین آف میانمار دے صدر، سینئر جنرل من آنگ ہلینگ کوں انھاں دے انتخاب تے مبارکباد ݙیندیں ہوئیں ݙوہیں ملکاں وچال ݙوپاسہ تعلقات اچ مسلسل پیشرفت تے اعتماد دا اظہار کیتے۔ جمعہ کوں ایوانِ صدر دے پریس ونگ دے مطابق صدرِ مملکت آپݨے تہنیتی خط اچ صدر من آنگ ہلینگ کوں منصب سنبھالݨ تے پرتپاک مبارکباد ݙتی اے۔ انھاں پاکستان تے میانمار وچال خوشگوار تعلقات کوں اجاگر کریندیں ہوئیں آکھیا جو ݙوہیں ملک سانجھے تاریخی تے تہذیبی رشتیاں اچ ٻدھے ہوئن۔ صدر آصف علی زرداری ایں اعتماد دا اظہار کیتا جو صدر من آنگ ہلینگ دی قیادت اچ ݙوپاسہ تعاون ٻیا ودھسی جیندے نال آپسی دلچسپی دے شعبیاں اچ مفید شراکت داری دے نویں مواقع پیدا تھیسن۔
