کوہاٹ پولیس لائن مسجد دھماکے اچ ملوث سارے خوارج جہنم واصل، سکیورٹی فورسز دا آپریشن مکمل

اسلام آباد۔19 ستمبر (اے پی پی) کوہاٹ پولیس لائن مسجد دھماکے اچ ملوث سارے خوارج کوں جہنم واصل کر ݙتا ڳئے، سکیورٹی فورسز دا آپریشن مکمل تھی ڳئے۔سکیورٹی ذرائع موجب فجر دے بعد پاک فوج دے کمانڈوز کارروائی کریندے پولیس لائن اچ لکیے چھیکڑی 2 خودکش بمباراں کوں وی جہنم واصل کرݙتے۔ سکیورٹی فورسز کارروائی دے دوران مجموعی طور تے 7 خوارج کوں جہنم واصل کیتا۔ سکیورٹی ذرائع موجب آپریشن دی براہِ راست نگرانی جنرل افسر کمانڈنگ کوہاٹ کیتی۔ واضح رہے جو پاک فوج دے کمانڈوز، جواناں تے بم ڈسپوزل اسکواڈ علاقے کوں کلیئر کرتے پولیس دے حوالے کر ݙتے۔