اسلام آباد۔19 ستمبر(اے پی پی) صدرِمملکت آصف علی زرداری نیپال دی حکومت تے عوام کوں نیپال دے قومی ݙینھ تے یومِ دستور دے موقع تے مبارخ ݙتی اے۔ ایوانِ صدر دے میڈیا ونگ توں جاری بیان موجب نیپال دے صدر رام چندر پاوڈل دے ناں اپݨے خط اچ صدر آصف علی زرداری آکھیا جو پاکستان تے نیپال وچال سانجھے احترام، اعتماد تے خیرسگالی تے مبنی پراݨے تے خوشگوار تعلقات ہن …
صدرِ مملکت دی نیپال کوں یومِ دستور تے قومی ݙینھ تے مبارخ
مزید خبراں
اسلام آباد۔19 ستمبر(اے پی پی) صدرِمملکت آصف علی زرداری نیپال دی حکومت تے عوام کوں نیپال دے قومی ݙینھ تے یومِ دستور دے موقع تے مبارخ ݙتی اے۔ ایوانِ صدر دے میڈیا ونگ توں جاری بیان موجب نیپال دے صدر رام چندر پاوڈل دے ناں اپݨے خط اچ صدر آصف علی زرداری آکھیا جو پاکستان تے نیپال وچال سانجھے احترام، اعتماد تے خیرسگالی تے مبنی پراݨے تے خوشگوار تعلقات ہن جنہاں کوں ݙوہیں ملکاں دے عوام وچال دوستی دے تکڑے رشتیں توں مزید تقویت ملدی اے۔ صدرِ مملکت آکھیا جو پاکستان نیپال دے نال اپݨے تعلقات کوں اہمیت ݙیندے تے ایں دے نال ݙو طرفہ، سارک تے ٻئے کثیرالجہتی فورمز تے تعاون کوں قدر دی نگاہ نال ݙیہدے۔ انہاں ایں اعتماد دا اظہار کیتا جو پاکستان تے نیپال وچال دوستانہ تعلقات ݙوہیں ملکاں تے انہاں دے عوام دے سانجھے مفاد اچ آندے سالاں اچ مزید ودھسن۔
