اسلام آباد۔ 10 اپریل (اے پی پی) وزیراعظم محمد شہباز شریف شمالی بحیرۂ عرب اچ ہنگامی انسانی امدادی کارروائی اچ مختلف ملکاں دے 18 افراد تے مشتمل عملے کوں بحفاظت ریسکیو کرݨ تے پاک بحریہ کوں خراجِ تحسین پیش کیتے۔ جمعہ کوں وزیراعظم آفس دے میڈیا ونگ توں جاری تھئیے بیان دے مطابق وزیراعظم پاک بحریہ دے افسراں تے جواناں دی پیشہ ورانہ صلاحیتاں، فوری ردِعمل تے انسان دوستی دے …
وزیراعظم دا شمالی بحیرۂ عرب اچ مختلف ملکاں دے 18 افراد تے مشتمل عملے کوں بحفاظت ریسکیو کرݨ تے پاک بحریہ کوں خراجِ تحسین
اسلام آباد۔ 10 اپریل (اے پی پی) وزیراعظم محمد شہباز شریف شمالی بحیرۂ عرب اچ ہنگامی انسانی امدادی کارروائی اچ مختلف ملکاں دے 18 افراد تے مشتمل عملے کوں بحفاظت ریسکیو کرݨ تے پاک بحریہ کوں خراجِ تحسین پیش کیتے۔ جمعہ کوں وزیراعظم آفس دے میڈیا ونگ توں جاری تھئیے بیان دے مطابق وزیراعظم پاک بحریہ دے افسراں تے جواناں دی پیشہ ورانہ صلاحیتاں، فوری ردِعمل تے انسان دوستی دے جذبے کوں سراہے۔ وزیراعظم آکھیا جو مرچنٹ ویسل ’’گولڈ آٹم‘‘ توں موصول تھیوݨ آلی ہنگامی اطلاع تے پاک بحریہ دے جہاز پی این ایس حنین فوری تے مؤثر سرچ اینڈ ریسکیو آپریشن کیتے۔ وزیراعظم آکھیا جو آپریشن اچ مختلف ملکاں بشمول چین، بنگلہ دیش، میانمار، ویتنام تے انڈونیشیا توں تعلق رکھݨ آلے عملے کوں بحفاظت کڈھ گھدا ڳئے، سارے افراد کوں کراچی منتقل کیتا ڳئے جتھاں انھاں کوں طبی سہولیات فراہم کیتی ویندی پئن اتے انھاں دی آپݨے ملکاں واپسی دے انتظامات کیتے ویندے پئن۔ وزیراعظم آکھیا جو پاک بحریہ آپݨے دائرۂ کار اچ ہر قسم دی بحری ہنگامی صورتحال اچ ہمیشہ اولین امدادی ادارے دے طور تے کردار ادا کریندی رہسی۔
