پاک بحریہ دا بروقت آپریشن، غیر ملکی تجارتی جہاز دے عملے دے 18 بندیاں کوں بحفاظت بچا ڳھدا

راولپنڈی۔ 10 اپریل (اے پی پی) پاک بحریہ تیز رفتار انسانی ہمدردی دے تحت ہک کامیاب آپریشن دے دوران شمالی بحیرۂ عرب اچ پھتے ہک تجارتی بحری جہاز دے عملے دے 18 بندیاں کوں بحفاظت ریسکیو کر گھدے۔ پاک فوج دے شعبہٴ تعلقاتِ عامہ (آئی ایس پی آر) دے مطابق پاکستان دے ساحل توں تقریباً 200 ناٹیکل مائلز (370 کلومیٹر) پرے مرچنٹ ویسل ’’ایم وی گولڈ آٹم‘‘ آلے پاسوں مدد دی کال ملی جئیں تے پاکستان نیوی دے جہاز ’’پی این ایس حنین‘‘ فوری طور تے سرچ اینڈ ریسکیو آپریشن شروع کیتے۔ ریسکیو کیتے ونڃݨ آلے بندیاں اچ چین، بنگلہ دیش، میانمار، ویتنام تے انڈونیشیا دے شہری شامل ہن۔ پی این ایس حنین تے موجود ماہر ٹیم نہ صرف عملے کوں بحفاظت کڈھیا بلکہ انھاں کوں طبی امداد فراہم کیتی، بھاہ وسماوݨ اچ مدد کیتی تے جہاز کوں پڄݨ آلے نقصان دا وی جائزہ گھدے۔ سارے لوکاں کوں ٻئی طبی سہولیات تے آپݨے ملکاں واپسی کیتے کراچی منتقل کر ݙتا ڳئے۔ پاک نیوی دے جہاز ولوں پاکستان دے ساحل توں پرے توسیعی رینج اچ فراہم کیتی ونڃݨ آلی انسانی امداد متعلقہ علاقے اچ سمندری بحران دی صورتحال دا فوری جواب پاکستان نیوی دے مسلسل عزم تے ذمہ واری دی عکاسی کریندی اے۔