پاکستان ویمنز فٹبال ٹیم دی شاندار کارکردگی تے تاریخی فتح قوم کیتے باعثِ فخر اے، صدر آصف علی زرداری

اسلام آباد۔ 10 اپریل (اے پی پی) صدرِ مملکت آصف علی زرداری فیفا سیریز 2026 اچ تاریخی کامیابی تے پاکستان ویمنز فٹبال ٹیم کوں مبارکباد ݙیندیں ہوئیں آکھیا جو پاکستان ویمنز فٹبال ٹیم دی شاندار کارکردگی تے 8-0 دی تاریخی فتح قوم کیتے باعثِ فخر اے۔ جمعہ کوں ایوانِ صدر دے پریس ونگ توں جاری تھئیے بیان دے مطابق صدرِ مملکت آکھیا جو کھڈاریاں عالمی سطح تے آپݨی صلاحیتاں، ٹیم ورک تے عزم دا بھرپور مظاہرہ کیتے۔ انھاں آکھیا جو تریمت کھڈاریاں دی کامیابیاں ملک اچ کھیݙاں دے فروغ تے نوجواناں دے حوصلے بلند کرݨ دا ذریعہ ہن۔ صدرِ مملکت آصف علی زرداری آکھیا جو پاکستان اچ تریمتاں دے کھیݙاں دے فروغ تے باصلاحیت کھڈاریاں دی سرپرستی جاری رکھݨ قومی ترجیح اے۔ انھاں آکھیا جو ٹیم دی کامیابی پاکستان اچ ویمنز فٹبال دے روشن مستقبل دی عکاس اے۔