اسلام آباد۔ 10 اپریل (اے پی پی) وزیراعظم محمد شہباز شریف کوں جمعہ کوں برطانیہ دے وزیراعظم کیئر اسٹارمر دا ٹیلیفون موصول تھیا جنہاں امریکہ تے ایران وچال جنگ بندی اچ پاکستان دی مؤثر سفارتی کوشِشاں تے ݙوہیں ملکاں وچال مذاکرات دی بحالی اچ کردار کوں سراہے۔ ٹیلیفونک ڳالھ مہاڑ اچ برطانوی وزیراعظم اسلام آباد اچ امن مذاکرات دی میزبانی تے وزیراعظم شہباز شریف کوں مبارکباد ݙتی اتے ایں عمل …
برطانوی وزیراعظم دا وزیراعظم شہباز شریف کوں ٹیلیفون، اسلام آباد مذاکرات دی کامیابی کیتے نیک خواہشات دا اظہار
اسلام آباد۔ 10 اپریل (اے پی پی) وزیراعظم محمد شہباز شریف کوں جمعہ کوں برطانیہ دے وزیراعظم کیئر اسٹارمر دا ٹیلیفون موصول تھیا جنہاں امریکہ تے ایران وچال جنگ بندی اچ پاکستان دی مؤثر سفارتی کوشِشاں تے ݙوہیں ملکاں وچال مذاکرات دی بحالی اچ کردار کوں سراہے۔ ٹیلیفونک ڳالھ مہاڑ اچ برطانوی وزیراعظم اسلام آباد اچ امن مذاکرات دی میزبانی تے وزیراعظم شہباز شریف کوں مبارکباد ݙتی اتے ایں عمل دی کامیابی کیتے آپݨی نیک خواہشات دا اظہار کیتے ۔ وزیراعظم شہباز شریف خطے اچ امن تے استحکام کیتے پاکستان دے مخلصانہ عزم دا اعادہ کریندیں ہوئیں یورپی تے بین الاقوامی رہنماواں، بشمول وزیراعظم اسٹارمر، دے مشترکہ اعلامیے دا خیر مقدم کیتا جیندے اچ پاکستان دی امن کوشِشاں دی توثیق کیتی ڳئی۔ ݙوہیں رہنماواں ایں ڳالھ تے زور ݙتا جو جنگ بندی کوں برقرار رکھیا ونڃے اتے خطے اچ پائیدار امن تے استحکام کیتے سازگار ماحول پیدا کیتا ونڄے ۔ فریقین پاکستان تے برطانیہ وچال دیرینہ دوستانہ تعلقات کوں آپسی دلچسپی دے سارے شعبیاں اچ ٻیا فروغ ݙیوݨ تے وی اتفاق کیتے۔ وزیراعظم شہباز شریف آپݨے برطانوی ہم منصب کوں پاکستان دے سرکاری دورے دی دعوت دا اعادہ وی کیتا۔
