خطے اچ پائیدار امن تے استحکام کیتے سازگار حالات پیدا کرݨ کیتے جنگ بندی کوں برقرار رکھݨ ٻہوں اہم اے، وزیراعظم شہباز شریف

اسلام آباد۔ 10 اپریل (اے پی پی) وزیراعظم محمد شہباز شریف پاکستان دی مخلصانہ سفارتی کوشِشاں دی حمایت تے برطانوی وزیراعظم سودھے یورپی تے بین الاقوامی رہنماواں دا شکریہ ادا کریندیں ہوئیں آکھیا جو خطے اچ پائیدار امن تے استحکام کیتے سازگار حالات پیدا کرݨ کیتے جنگ بندی کوں برقرار رکھݨ ٻہوں اہم اے۔ “ایکس” تے آپݨے سنیھے اچ وزیراعظم ݙسایا جو انھاں کوں جمعہ کوں برطانیہ دے وزیراعظم اسٹارمر ولوں ہک خوشگوار ٹیلیفون کال موصول تھئی اے۔ وزیراعظم پاکستان دی مخلصانہ سفارتی کوشِشاں دی حمایت تے انھاں دا شکریہ ادا کیتا جنھاں ایران تے امریکہ وچال جنگ بندی کوں ممکن بݨاوݨ تے مذاکرات کوں اڳوں ودھاوݨ اچ مدد ݙتی اے۔ وزیراعظم آکھیا جو او اہم یورپی تے بین الاقوامی رہنماواں، بشمول وزیراعظم اسٹارمر، دے مشترکہ بیان دا وی خیر مقدم کریندن جیندے اچ ساݙی امن دی کوشِشاں دی تائید کیتی ڳئی اے۔ وزیراعظم ݙسایا جو برطانوی وزیراعظم نال ڳالھ مہاڑ اچ اساں ایں ڳالھ تے اتفاق کیتا جو خطے اچ پائیدار امن تے استحکام کیتے سازگار حالات پیدا کرݨ دی خاطر جنگ بندی کوں برقرار رکھݨ ٻہوں اہم اے۔ اساں پاکستان تے برطانیہ وچال آپسی دلچسپی دے سارے شعبیاں اچ تعلقات کوں ٻیا مضبوط بݨاوݨ دے طریقیاں تے وی ڳالھ مہاڑ کیتی اے۔ وزیراعظم آکھیا جو او برطانیہ دے وزیراعظم اسٹارمر کوں پاکستان اچ خوش آمدید آکھݨ دے منتظر ہن۔