اسلام آباد۔ 12 اپریل (اے پی پی) نائب وزیراعظم تے وزیرِ خارجہ محمد اسحاق ڈار آکھیا جو امریکہ تے ایران وچال جامع تے تعمیری مذاکرات دے کئی دور تھین، 24 گھنٹے جاری رہوݨ آلے مذاکرات اڄ سویلے مکمل تھین، فیلڈ مارشل سید عاصم منیر دے نال رل تے مذاکرات دے کئی دوراں اچ معاونت کیتی اے۔ وزیراعظم دی جنگ بندی دی درخواست قبول کرݨ تے مثبت ردِعمل ݙیوݨ تے امریکہ …
امریکہ تے ایران خطے تے دنیا اچ پائیدار امن تے خوشحالی کیتے مثبت سوچ نال اڳوں ودھسن ، پاکستان رابطہ کاری تے مذاکراتی عمل اچ سہولت کاری دا کردار ادا کریندا رہسی ، نائب وزیراعظم محمد اسحاق ڈار دی میڈیا بریفنگ
اسلام آباد۔ 12 اپریل (اے پی پی) نائب وزیراعظم تے وزیرِ خارجہ محمد اسحاق ڈار آکھیا جو امریکہ تے ایران وچال جامع تے تعمیری مذاکرات دے کئی دور تھین، 24 گھنٹے جاری رہوݨ آلے مذاکرات اڄ سویلے مکمل تھین، فیلڈ مارشل سید عاصم منیر دے نال رل تے مذاکرات دے کئی دوراں اچ معاونت کیتی اے۔ وزیراعظم دی جنگ بندی دی درخواست قبول کرݨ تے مثبت ردِعمل ݙیوݨ تے امریکہ تے ایران دا شکریہ ادا کریندوں، اے ضروری اے جو ݙوہیں ملک جنگ بندی جاری رکھݨ دے عزم تے قائم رہن اے۔ امید اے جو ݙوہیں ملک خطے تے دنیا اچ پائیدار امن تے خوشحالی کیتے مثبت سوچ نال اڳوں ودھسن ، پاکستان امریکہ اتے ایران وچال رابطہ کاری تے مذاکراتی عمل اچ سہولت کاری دا کردار ادا کریندا رہسی۔ اے ڳالھیں انہاں اتوار کوں اتھاں امریکہ تے ایران وچال مذاکرات بارے میڈیا بریفنگ اچ کیتے۔ اسحاق ڈار آکھیا جو پاکستان دی درخواست تے امریکی نائب صدر جے ڈی وینس تے ایران دی پارلیمنٹ دے سپیکر قادر قالیباف دی قیادت اچ ݙوہیں ملکاں دے وفود پاکستان آئے ہن اتے مذاکرات اچ حصہ گھدے۔ وزیراعظم محمد شہباز شریف دی درخواست تے مثبت ردِعمل ݙیوݨ، جنگ بندی دی درخواست تے اسلام آباد آوݨ دی دعوت قبول کرݨ تے ݙوہیں ملکاں دا شکریہ ادا کریندن۔
