لاہور۔13 اپریل (اے پی پی)رکن صوبائی اسمبلی عظمیٰ کاردار وزیراعظم اتے فیلڈ مارشل دیاں سفارتی کوششاں کوں عالمی سطح تے سراہݨ کیتے پنجاب اسمبلی اچ قرارداد جمع کرا ݙتی اے۔ قرارداد اچ آکھیا گئے جو وزیراعظم شہباز شریف، فیلڈ مارشل عاصم منیر اتے نائب وزیراعظم اسحاق ڈار دیاں کوششاں نال مشرقِ وسطیٰ اچ کشیدگی گھٹ کرݨ اچ پاکستان دا اہم کردار سامݨے آئے، جیندے نال عالمی تباہی دا خطرہ …
وزیراعظم اتے فیلڈ مارشل دیاں سفارتی کوششاں کوں سراہݨ کیتے پنجاب اسمبلی اچ قرارداد جمع
لاہور۔13 اپریل (اے پی پی)رکن صوبائی اسمبلی عظمیٰ کاردار وزیراعظم اتے فیلڈ مارشل دیاں سفارتی کوششاں کوں عالمی سطح تے سراہݨ کیتے پنجاب اسمبلی اچ قرارداد جمع کرا ݙتی اے۔ قرارداد اچ آکھیا گئے جو وزیراعظم شہباز شریف، فیلڈ مارشل عاصم منیر اتے نائب وزیراعظم اسحاق ڈار دیاں کوششاں نال مشرقِ وسطیٰ اچ کشیدگی گھٹ کرݨ اچ پاکستان دا اہم کردار سامݨے آئے، جیندے نال عالمی تباہی دا خطرہ ٹل ڳئے۔ قرارداد دے متن دے مطابق ڄیکر امن معاہدے کیتے پاکستان دیاں کوششاں نہ ہوندیاں تاں دنیا ایٹمی جنگ دے خطرے اچ ہوندی، بے گناہ جاناں ضائع تھیندیاں اتے عالمی معیشت کوں وی وݙا نقصان تھیندا۔ قرارداد موجب پاکستان دی کامیاب سفارتکاری نال اسلام آباد اچ مذاکرات تھئے، جیندے نال امریکہ اتے ایران وچال اہم پیش رفت سامݨے آئی اے۔ اقوامِ متحدہ سودھا عالمی ادارے پاکستان دیاں سفارتی کوششاں کوں خراجِ تحسین پیش کریندے پئن۔ متن دے مطابق ایران-امریکہ مذاکرات پاروں برطانیہ، یورپی ملکاں اتے کینیڈا دا پاکستان اتے اعتماد ٻٰا ودھ ڳئے۔ قرارداد اچ ایوان ولوں وزیراعظم اتے فیلڈ مارشل کیتے نوبل انعام دی تجویز وی پیش کیتی گئی اے۔
