جدہ: 15 اپریل (اے پی پی)وزیرِ اعظم محمد شہباز شریف جدہ پڄ ڳئن۔ نائب گورنر مکہ ریجن شہزادہ سعود بن مشعال بن عبدالعزیز، سعودی عرب دے پاکستان اچ سفیر نواف بن سعید المالکی اتے سعودی عرب اچ پاکستانی سفیر احمد فاروق وزیرِ اعظم اتے پاکستانی وفد دا ایئرپورٹ تے استقبال کیتے۔ وزیرِ اعظم ہاؤس دے میڈیا ونگ توں جاری تھیوݨ والے بیان دے مطابق، جدہ اچ وزیرِ اعظم دی سعودی …
وزیرِ اعظم محمد شہباز شریف جدہ پڄ ڳئن
جدہ: 15 اپریل (اے پی پی)وزیرِ اعظم محمد شہباز شریف جدہ پڄ ڳئن۔ نائب گورنر مکہ ریجن شہزادہ سعود بن مشعال بن عبدالعزیز، سعودی عرب دے پاکستان اچ سفیر نواف بن سعید المالکی اتے سعودی عرب اچ پاکستانی سفیر احمد فاروق وزیرِ اعظم اتے پاکستانی وفد دا ایئرپورٹ تے استقبال کیتے۔
وزیرِ اعظم ہاؤس دے میڈیا ونگ توں جاری تھیوݨ والے بیان دے مطابق، جدہ اچ وزیرِ اعظم دی سعودی ولی عہد اتے وزیرِ اعظم شہزادہ محمد بن سلمان بن عبدالعزیز آلسعود نال ملاقات تھیسی، جیندے اچ پاکستان اتے سعودی عرب وچال باہمی تعلقات کوں ٻیا ودھاوݨ اتے خطے دی صورتحال تے ڳالھ مہاڑ کیتی ویسی۔ نائب وزیرِ اعظم اتے وزیرِ خارجہ سینیٹر محمد اسحاق ڈار، وفاقی وزیرِ اطلاعات تے نشریات عطا اللہ تارڑ، وزیرِ اعظم دے معاونِ خصوصی سید طارق فاطمی اتے وزیرِ اعظم دے ترجمان برائے غیر ملکی میڈیا مشرف زیدی وزیرِ اعظم دے نال ہین۔
