وزیراعظم محمد شہباز شریف دا مظفر آباد دے نیڑے پاک فوج دے ایم آئی-17 ہیلی کاپٹر دے المناک حادثے تے ݙکھ تے افسوس

اسلام آباد۔ 10 جون (اے پی پی) وزیراعظم محمد شہباز شریف مظفر آباد دے نیڑے پاک فوج دے ایم آئی-17 ہیلی کاپٹر دے المناک حادثے تے ݙکھ تے افسوس دا اظہار کیتے۔ بدھ کوں وزیراعظم آفس دے میڈیا ونگ توں جاری تھیوݨ آلے بیان دے مطابق وزیراعظم حادثے اچ شہید تھیوݨ آلے سارے اہلکاراں کوں خراجِ عقیدت پیش کریندیں ہوئیں آکھیے جو پوری قوم آپݨے بہادر سپوتاں دی قربانیاں کوں سلام پیش کریندی اے۔ انھاں شہداء دے درجات دی بلندی تے انھاں دے اہلخانہ کیتے صبرِ جمیل دی دعا کیتی۔