پی ڈی ایم اے اڄ توں 13 جون تئیں پنجاب دے کئی ضلعیاں اچ اندھاری، بارشاں تے ژالہ باری دا الرٹ جاری کر ݙتا، ترجمان

لاہور۔ 10 جون (اے پی پی) پی ڈی ایم اے کل 11 توں 13 جون تئیں پنجاب دے کئی ضلعیاں اچ اندھاری، بارشاں تے ژالہ باری بارے الرٹ جاری کر ݙتا۔ ترجمان دے مطابق 11 توں 13 جون تئیں پنجاب دے ضلعیاں راولپنڈی، مری، گلیات، اٹک، جہلم، چکوال، بھکر، لیہ، فیصل آباد، جھنگ، اوکاڑہ، گوجرانوالہ، حافظ آباد، وزیر آباد، سرگودھا، میانوالی، شیخوپورہ، خوشاب، ڈیرہ غازی خان، بہاولپور، بہاولنگر، ملتان، خانیوال، لودھراں، مظفر گڑھ، راجن پور، رحیم یار خان، کوٹ ادو، منڈی بہاؤالدین، لاہور، سیالکوٹ، نارووال، فیصل آباد، جھنگ تے گردونواح اچ بارش دا امکان اے۔ ڈی جی پی ڈی ایم اے عمر جاوید آکھیے جو وزیرِ اعلیٰ پنجاب دی ہدایات تے صوبے بھر دے کمشنرز تے ڈپٹی کمشنرز کوں الرٹ جاری کر ݙتا ڳئے۔ انھاں شہریاں توں اپیل کریندیں ہوئیں آکھیے جو او آسمانی بجلی توں بچاؤ کیتے محفوظ ڄہیں تے رہن۔ گرج چمک دے دوران کھلی ڄہیں تلے ہرگز نہ ونڄن۔ گرد و غبار تے تیز اندھاری دے پیشِ نظر محفوظ مقامات تے رہن۔ ڈی جی عمر جاوید آکھیے جو کسان آپݨے سارے پیشگی اقدامات موسمی صورتحال کوں ݙیکھدیں ہوئیں کرن۔ سیاح شمالی علاقہ جات دے سفر اچ احتیاطی تدابیر اختیار کرن۔ ایمرجنسی صورتحال اچ پی ڈی ایم اے دی ہیلپ لائن 1129 تے رابطہ کرن۔