متحدہ قومی موومنٹ دا ملک دی ترقی اچ مثبت کردار قابلِ قدر اے، وزیراعظم محمد شہباز شریف

اسلام آباد۔ 12 جون (اے پی پی) وزیراعظم محمد شہباز شریف آکھیے جو متحدہ قومی موومنٹ حکومت دی اہم اتحادی جماعت اے، ملک دی ترقی، معاشی استحکام تے عوامی فلاح دے ایجنڈے دی تکمیل اچ ایں دا مثبت تے تعمیری کردار قابلِ قدر اے۔ جمعہ کوں وزیراعظم آفس دے میڈیا ونگ توں جاری کیتے ڳئے بیان دے مطابق اے ڳالھیں انہاں وفاقی وزیر برائے وفاقی تعلیم و پیشہ ورانہ تربیت تے کنوینر ایم کیو ایم ڈاکٹر خالد مقبول صدیقی دی زیرِ قیادت متحدہ قومی موومنٹ دے وفد نال ڳالھ مہاڑ کریندیں ہوئیں کیتا جئیں وزیراعظم نال اتھاں ملاقات کیتی۔ وفد اچ وزیر برائے قومی صحت سید مصطفیٰ کمال تے اراکینِ قومی اسمبلی فاروق ستار، امین الحق تے جاوید حنیف شامل ہن۔ ملاقات اچ وفاقی بجٹ برائے مالی سال 2026-27 تے ملک دی مجموعی تے سیاسی صورتحال تے وی ڳالھ مہاڑ کیتی ڳئی۔ ملاقات اچ وفاقی وزیرِ منصوبہ بندی احسن اقبال، وفاقی وزیرِ قانون و انصاف اعظم نذیر تارڑ، وفاقی وزیرِ اقتصادی امور احد خان چیمہ، وفاقی وزیرِ اطلاعات تے نشریات عطاء اللہ تارڑ تے وزیراعظم دے مشیر برائے سیاسی امور رانا ثناء اللہ وی موجود ہن۔ وفد نال ڳالھ مہاڑ کریندیں ہوئیں وزیراعظم آکھیے جو متحدہ قومی موومنٹ حکومت دی ہک اہم اتحادی جماعت اے اتے ملک دی ترقی، معاشی استحکام تے عوامی فلاح دے ایجنڈے دی تکمیل اچ ایں دا مثبت تے تعمیری کردار قابلِ قدر اے، اے اشتراکِ عمل مستقبل اچ وی قومی مفاد تے عوامی خدمت کیتے ایں جذبے دے نال جاری رہسی۔